సీఐటీయూ వనపర్తి జిల్లా కార్యదర్శి మండ్ల రాజు
నవతెలంగాణ – వనపర్తి
డిసెంబర్ 7 నుంచి 9 వరకు సీఐటీయూ రాష్ట్ర మహాసభలను నిర్వహిస్తున్నామని సీఐటీయూ వనపర్తి జిల్లా కార్యదర్శి మండ్ల రాజు అన్నారు. సెంటర్ ఆఫ్ ఇండియన్ ట్రేడ్ యూనియన్స్ (సీఐటీయూ) వనపర్తి జిల్లా ఆఫీస్ బేరర్స్ సమావేశం శనివారం సీఐటీయూ వనపర్తి జిల్లా కార్యాలయంలో సీఐటీయూ జిల్లా అధ్యక్షులు ఆర్ ఎన్ రమేష్ అధ్యక్షతన నిర్వహించారు. ఈ సందర్భంగా సీఐటీయూ వనపర్తి జిల్లా కార్యదర్శి మండ్ల రాజు, సీఐటీయూ తెలంగాణ రాష్ట్ర ఐదవ మహాసభలు డిసెంబర్ 7 నుంచి 9 వరకు మెదక్ జిల్లాలో నిర్వహించడం జరుగుతుందని తెలిపారు.
ఈ మహాసభలో గత పోరాటాలను సమీక్షించుకొని భవిష్యత్తు కార్యాచరణను రూపొందించుకోవడం జరుగుతుందని అనంతరం ఈ మహాసభలో నూతన నాయకత్వాన్ని ఎన్నుకోవడం జరుగుతుందని తెలిపారు సీఐటీయూ నిబంధనలు ప్రకారం మూడు సంవత్సరాలకు ఒకసారి ఈ మహాసభలు నిర్వహించడం జరుగుతుంది కేంద్రంలో ఉండేటువంటి నరేంద్ర మోడీ ప్రభుత్వం పోరాడి సాధించుకున్న 29 కార్మిక చట్టాలను నాలుగు కోడులుగా విభజించి కార్మిక హక్కులను కాల రాయడం జరుగుతుందని అన్నారు. ఈ నాలుగు లేబర్ కోడ్స్ వల్ల పారిశ్రామికవేతలకు కార్పొరేట్ సంస్థలకు ఉపయోగపడుతుందని వారు అన్నారు. ఎనిమిది గంటల పని దినం ఇప్పుడు 12 గంటలు చేయాలని సమ్మె చేసే హక్కు లేకుండా వేతనాలు పెంచాలని అడగకుండా సంఘాలను పెట్టుకోకుండా ఈ నాలుగు లేబర్ కోడులు తీసుకువచ్చారని ఈ నాలుగు లేబర్ కోడులకు వ్యతిరేకంగా ప్రధానంగా ఈ మహాసభలో చర్చించబోతున్నామని రాబోయే కాలంలో కార్మిక సంఘాలను కలుపుకొని పెద్ద ఎత్తున పోరాటాలు చేయడం కోసం ఈ మహాసభలు వేదిక కాబోతున్నాయని వారు అన్నారు.
ఏడో తారీఖు రోజు మెదక్ పట్టణంలో వేలాదిమంది కార్మికులతో ప్రదర్శన బహిరంగ సభ నిర్వహిస్తున్నామని ఈ బహిరంగ సభకు సీఐటీయూ అఖిలభారత అధ్యక్షులు డాక్టర్ హేమలత, అఖిలభారత ప్రధాన కార్యదర్శి తపన్ సేను, అఖిలభారత కోశాధికారి సాయిబాబు, సీఐటీయూ రాష్ట్ర అధ్యక్ష కార్యదర్శులు చుక్కా రాములు, పాలడుగు భాస్కర్, పాల్గొంటారని తెలిపారు. ఈ మహాసభలను కార్మికులు అధిక సంఖ్యలో పాల్గొని జయప్రదం చేయాలని పిలుపునిచ్చారు. ఈ కార్యక్రమంలో సీఐటీయూ జిల్లా ఉపాధ్యక్షులు పుట్ట ఆంజనేయులు, జిల్లా కోశాధికారి బొబ్బిలి నిక్సన్, జిల్లా ఉపాధ్యక్షులు కే సునీత, జిల్లా సహాయ కార్యదర్శి గంధం మదన్, సూర్యవంశం రాము, ఏ బుచ్చమ్మ, తదితరులు పాల్గొన్నారు.
