ఆప్ తోనే అవినీతి రహిత పాలన సాధ్యం : తన్నీరు వెంకన్న

నవతెలంగాణ-తుంగతుర్తి: దేశవ్యాప్తంగా ఎలాంటి అవినీతి మరక లేకుండా పాలన అందిస్తున్న ఏకైక పార్టీ ఆమ్ ఆద్మీ పార్టీ అని,ఆ పార్టీ తుంగతుర్తి నియోజకవర్గ అధ్యక్షులు తన్నీరు వెంకన్న అన్నారు.శనివారం మండల పరిధిలోని అన్నారం గ్రామం నుండి గ్రామ సర్పంచ్ అభ్యర్థిగా నామినేషన్ దాఖలు చేసి మాట్లాడారు.ఈ మేరకు అప్పులు తేకుండా ప్ర‌జ‌లంద‌రికీ సంక్షేమ ప‌థ‌కాలు అమ‌లు చేయడం ఆప్ తోనే సాధ్యమని అన్నారు.అవినీతి ర‌హిత పాల‌న‌కు అర‌వింద్ కేజ్రీవాల్ మారుపేరు అని…. అందుకే దేశంలోని సామాన్య ప్రజ‌లంతా కేజ్రీవాల్ రాక‌ను కోరుకుంటున్నార‌ని చెప్పుకొచ్చారు.తెలంగాణ రాష్ట్రంలో పరిపాలన దారుణంగా ఉందని అభిప్రాయపడ్డారు.రాష్ట్రంలో పాలకుల పాలన అంతా అప్పులు,తప్పులతో నడుస్తోందని విమర్శించారు.తెలంగాణ అభివృద్ధి చెందాలన్నా,అవినీతి,అక్రమాలను రూపుమాపాలన్న ఒక్క ఆప్‌తోనే సాధ్యమని స్పష్టం చేశారు.గ్రామ అభివృద్ధి కోసం,అవినీతి రహిత,సమాజం కోసం యువకులు, విద్యావంతులు,గ్రామ ప్రజలందరూ కలిసి తనను గెలిపించాలని కోరారు.ఈ కార్యక్రమంలో వారి వెంట ఆప్ పార్టీ తుంగతుర్తి మండల ఇంచార్జ్ పూసపల్లి శ్రీనివాస్ తదితరులు ఉన్నారు.