ఓ ఇంట్లో పేలిన సిలిండర్‌.. ఏడుగురు..

న‌వ‌తెలంగాణ‌-హైద‌రాబాద్: జగద్గిరిగుట్టలోని ఓ ఇంట్లో గ్యాస్ సిలిండర్ పేలింది. పేలుడు ధాటికి ఇల్లు కూలిపోయింది. ఈ ప్రమాదంలో రెండు కుటుంబాల్లోని ఏడుగురికి తీవ్ర గాయాలు అయ్యాయి. గాయపడిన వారిని ఒరిస్సా వాసులుగా గుర్తించారు. ప్రమాద సమాచారం తెలుసుకున్న పోలీలసులు ఘటనాస్థలికి చేరుకున్నారు. సహాయక చర్యలు ప్రారంభించి గాయపడిన వారిని ఆసుపత్రికి తరలించారు.

ఉస్మానియా ఆసుపత్రిలో బాధితులు చికిత్స పొందుతున్నారు. సిలిండర్ పేలడంతో కాలనీ వాసులు భయంతో ఇళ్లలోంచి బయటకు పరుగులు తీశారు. ఆ ప్రాంతమంతా భయానక వాతావరణం నెలకొంది. సిలిండర్ పేలుడు ఘటనలో గాయాల పాలైన వారి వివరాలు.. రాజేష్ అతని ఇద్దరు భార్యలు గీతాంజలి, రీతాంజలి తో పాటు వారి ఇద్దరు పిల్లలు.