‘దేఖ్‌లేంగే సాలా’కు శ్రోతల విశేష ఆదరణ

‘గబ్బర్‌ సింగ్‌’ వంటి సంచలన విజయం తరువాత పవన్‌ కళ్యాణ్‌, దర్శకుడు హరీష్‌ శంకర్‌ కలయికలో రూపొందుతున్న చిత్రం ‘ఉస్తాద్‌ భగత్‌ సింగ్‌’. దేవి శ్రీ ప్రసాద్‌ సంగీతం అందిస్తున్న ఈ చిత్రం నుంచి తొలి గీతంగా ‘దేఖ్‌లేంగే సాలా’ విడుదలై శ్రోతలను ఉర్రుతలూగిస్తోంది. కేవలం 24 గంటల్లోనే 29.6 మిలియన్లకు పైగా వీక్షణలతో రికార్డులను బద్దలు కొట్టి సరికొత్త చరిత్ర సృష్టించింది. సామాజిక మాధ్యమాల్లో వైరల్‌ అవుతూ ప్రపంచవ్యాప్తంగా ప్రేక్షకులను ఆకర్షించి, ఇన్‌స్టంట్‌ హిట్‌గా నిలిచింది. దేవి శ్రీ ప్రసాద్‌ సమకూర్చిన సంగీతం ఎంతో ఆకర్షణీయంగా ఉండి, సంగీత ప్రియుల ప్రశంసలు అందుకుంటోంది. అలాగే పవన్‌ కళ్యాణ్‌కి సరిగ్గా సరిపోయేలా దినేష్‌ మాస్టర్‌ సమకూర్చిన నత్యరీతులు కూడా భారీ ప్రశంసలను అందుకుంటున్నాయి.

ఇక ప్రేరణాత్మకమైన, వాణిజ్యపరమైన అంశాల కలయికలో భాస్కరభట్ల రాసిన సాహిత్యం పాట విజయంలో కీలక పాత్ర పోషించింది. ఈ పాట ఇంతటి విజయం సాధించడానికి ప్రధాన కారణం దర్శకుడు హరీష్‌ శంకర్‌ అనడంలో ఎటువంటి సందేహం లేదు. ఈ పాట విజయానికి ఆర్ట్‌ డైరెక్టర్‌ ఆనంద్‌ సాయి, కాస్ట్యూమ్‌ డిజైనర్‌ నీతా లుల్లా, సినిమాటోగ్రాఫర్‌ రవి వర్మన్‌ల అవిశ్రాంత కృషి కూడా కారణమని చెప్పవచ్చు. వీరందరూ సమిష్టిగా పనిచేసి ఒక ఉత్సాహభరితమైన, దశ్యపరంగా అద్భుతమైన అనుభవాన్ని సృష్టించారు. ఈ అద్భుతమైన విజయం పట్ల అన్ని వర్గాల నుంచి వారికి అభినందనలు వెల్లువెత్తుతున్నాయి అని నిర్మాతలు: నవీన్‌ యెర్నేని, రవిశంకర్‌ యలమంచిలి చెప్పారు.