నవతెలంగాణ – తొగుట
పంట వ్యర్థాలతో భూసారం పెరుగుతుందని వ్యవసాయ శాఖ దుబ్బాక డివిజన్ ఏడిఏ కాంపాటి మల్లయ్య రైతులకు సూచించారు. శనివారం మండలంలోని ఎల్లారెడ్డిపేట గ్రామంలో రైతులకు పంట వ్యర్ధాల పై అవగాహన కల్పిం చారు. ఈ సందర్బంగా ఏడిఏ మాట్లాడుతూ.. వరి కొయ్యలను కాల్చితే రైతులకు నష్టమే తప్ప ఎలాంటి ప్రయోజనం ఉండదు తెలిపారు. వరి కొయ్యలను కాల్చితే విపరీతమైన వేడితో నత్రజని, ఫాస్పరస్‌ లాంటి పోషక పదార్ధాల శాతం తగ్గుతుం దన్నారు. పంటలకు అవసరమైన ఖనిజ, లవణా లు దెబ్బతింటాయి. పొలాల్లో తిరిగే పాములు, ఉడుములు, తొండల్లాంటి అనేక రకాల జీవరాశు లు చనిపోయే ప్రమాదం ఉందన్నారు.
ప్రకృతి సమతుల్యత దెబ్బతింటుందని వివరించారు. పొలాన్ని కలియ దున్నితే ఎన్నో లాభాలు ఉన్నా యని చెప్పారు. వరి కొయ్యలను నేలలో కలియ దున్నడం వల్ల సేంద్రియ కర్బనశాతం పెరిగి దిగు బడులు 5 నుంచి 10శాతం వరకు అధికంగా వచ్చే అవకాశముందని అన్నారు. దుక్కి దున్నే సమ యంలో సింగిల్‌ సూపర్‌ఫాస్పేట్‌ లేదా వేస్ట్ డీకం పోజర్ చల్లితే వరి కొయ్యల అవశేషాలు రెండు వారాల్లో మురిగి పోషకాలుగా అందుబాటులోకి వస్తాయని తెలిపారు. సూపర్‌ ఫాస్ఫేట్‌ చల్లితే భూమి చౌడుబారడం నుంచి తప్పించడమే కాకుండా భూమిలో సేంద్రియ పదార్థాల స్థాయిని పెంచుతుందని అన్నారు. కలియ దున్నడం వల్ల ఎకరాకు టన్ను వరకు ఎరువు తయారవుతుందని సూచించారు. ఈ కార్యక్రమంలో మండల వ్యవ సాయ అధికారి ప్రియదర్శిని, ఏఈఓ నాగార్జున, రైతులు పాల్గొన్నారు. అనంతరం ఎరువుల దుకాణాలను తనిఖీ చేశారు.
