ప్రత్యేక పాఠశాల భవనానికి భూమి పూజ..

నవతెలంగాణ – గాంధారి 
గాంధారి మండల కేంద్రంలోని ప్రాథమిక పాఠశాల ప్రాంగణంలో భవిత ప్రత్యేక అవసరాలు గల పిల్లల పాఠశాల నూతన భవనానికి మండల విద్యాశాఖ అధికారి శ్రీహరి  ఆధ్వర్యంలో భూమి పూజ నిర్వహించారు. ఈ సందర్భంగా మండల విద్యాధికారి శ్రీహరి మాట్లాడుతూ.. ప్రత్యేక పాఠశాల మండల కేంద్రానికి రావడం ప్రత్యేక అవసరాలు గల పిల్లలకు ప్రత్యేక పాఠశాల రావడం చాలా గర్వ కారణం. ఈ భావన వ్యయం దాదాపు రూ.9 లక్షలు. ఈ పాఠశాల భవనంతో మండల కేంద్రంలోని దాదాపు 200 మంది ప్రత్యేక అవసరాలు గల పిల్లలందరికీ ప్రత్యేక విద్యతోపాటు, క్రీడా, ప్రత్యేక కార్యక్రమాలు అందేవిధంగా కృషి జరుగుతుందని  ఆయన అన్నారు. ఈ కార్యక్రమానికి ముఖ్య అతిథి గా సబ్ ఇన్స్పెక్టర్ ఆంజనేయులు విచ్చేశారు. ఈ  కార్యక్రమంలో మాజీ వార్డ్ మెంబర్ నితిన్  కాంప్లెక్స్ ఇన్చార్జి హెడ్మాస్టర్ పండిత్,  కల్పన,  ప్రత్యేక ఉపాధ్యాయుడు పెంటయ్య, భవ్య, సాయన్న  కంప్యూటర్ ఆపరేటర్ ప్రసాద్, సి ఆర్ పి లు షాయద్, సాయిలు, రామారావు, అంగన్వాడీ టీచర్ పద్మ,  దివ్యాంగులు పాల్గొన్నారు.