రూ.4,076 కోట్లకు తగ్గిన హెచ్‌సీఎల్‌ టెక్‌ లాభాలు

రూ.12 మధ్యంతర డివిడెండ్‌
బెంగళూర్‌ : ప్రముఖ టెక్నాలజీ దిగ్గజం హెచ్‌సీఎల్‌ టెక్నాలజీ ప్రస్తుత ఆర్థిక సంవత్సరం 2025-26 డిసెంబర్‌తో ముగిసిన మూడో త్రైమాసికం (క్యూ3)లో 11 శాతం తగ్గుదలతో రూ.4,076 కోట్ల నికర లాభాలు ప్రకటిం చింది. ఇంతక్రితం ఏడాది ఇదే త్రైమాసికంలో రూ.4,591 కోట్ల లాభాలు నమోదు చేసింది. నోయిడా కేం ద్రంగా పని చేస్తోన్న ఈ కంపెనీ గడిచిన క్యూ3లో 13.3 శాతం పెరుగుదలతో రూ.33,872 కోట్ల రెవెన్యూ సాధిం చింది. 2024-25 క్యూ3లో రూ.29,890 కోట్ల రెవెన్యూ నమోదు చేసింది. 2025-26కు గాను మధ్యంతర డివిడెండ్‌ కింద ప్రతీ ఈక్విటీ షేర్‌కు రూ.12 కేటాయించింది. దీనికి రికార్డ్‌ తేదిగా జనవరి 16ను తీసుకుంది. సోమవారం ఎన్‌ఎస్‌ఈలో హెచ్‌సీఎల్‌టెక్‌ షేర్‌ 0.34 శాతం పెరిగి రూ.1,667 వద్ద ముగిసింది.