ఫైనల్లో హాకీ ఇండియా

కెనడాపై 14-3తో ఘన విజయం
సుల్తాన్‌ అజ్లాన్‌షా హాకీ టోర్నీ

ఇఫో : సుల్తాన్‌ అజ్లాన్‌షా హాకీ టోర్నీలో భారత్‌ ఫైనల్లోకి దూసుకెళ్లింది. శనివారం జరిగిన ఆఖరి లీగ్‌ మ్యాచ్‌లో భారత్‌ 14-3 తేడాతో కెనడాపై ఘన విజయం సాధించింది. పూల్‌లో టాప్‌లో నిలిచిన టీమ్‌ఇండియా తుదిపోరులో నిలిచింది. తమ తొలిమ్యాచ్‌లో బెల్జియం చేతిలో భారత్‌ ఆ తర్వాత అద్భుతంగా పుంజుకుంది. కెనడాతో మ్యాచ్‌కు ముందు న్యూజిలాండ్‌తో జరిగిన పోరులో 3-2తో సంచలన విజయం సాధించింది. ఆదివారం జరిగే టైటిల్‌ పోరులో బెల్జియంతో భారత్‌ తలపడనుంది. జుగ్‌రాజ్‌సింగ్‌ 4 గోల్స్‌తో దుమ్మురేపాడు. నీలకంఠ…టీమ్‌ఇండియాకు తొలి గోల్‌ అందించగా, రాజిందర్‌సింగ్‌, అమిత్‌ రోహిదాస్‌, అభిషేక్‌, దిల్‌ప్రీత్‌సింగ్‌, సెల్వమ్‌ కార్తి, సంజయ్ విజృంభించారు.