అద్భుతమైన మెలోడీగా ‘ఇలా చూసుకుంటానే’

నీలి నీలి ఆకాశం క్రియే షన్స్‌, ప్రశ్విత ఎంటర్‌టైన్‌ మెంట్‌, ఎన్‌వీఎల్‌ క్రియే షన్స్‌ బ్యానర్స్‌పై మున్నా ధులిపూడి దర్శకత్వంలో రూపొందుతున్న చిత్రం ‘బ్యాడ్‌ గాళ్స్‌’. ‘కానీ చాలా మంచోళ్లు’ అనేది ట్యాగ్‌ లైన్‌. శశిధర్‌ నల్ల, ఇమ్మడి సోమ నర్సయ్య, రామిశెట్టి రాంబాబు, రావుల రమేష్‌ నిర్మాతలు.
అంచల్‌ గౌడ, పాయల్‌ చెంగప్ప, రోషిణి, యష్ణ, రోహన్‌ సూర్య, మొయిన్‌ ముఖ్య తారాగణంగా నటిస్తున్న ఈ చిత్రం నుంచి ‘ఇలా చూసుకుంటానే’ అనే మెలోడీ పాటను ఆదివారం హీరో రానా దగ్గుబాటి తన సోషల్‌ మీడియా హ్యాండిల్‌ ద్వారా విడుదల చేశారు. పాట విని, అద్భుతంగా ఉందంటూ చిత్ర బృందాన్ని అభినందించారు.
ఈ సందర్భంగా మేకర్స్‌ మాట్లాడుతూ ‘ఇది అద్భుత మైన మెలోడీ పాట. ‘నీలి నీలి ఆకాశం’ పాట సీక్వెల్‌గా, అంతకన్నా గొప్పగా ఉంటుంది. ఈ పాటను మొత్తం జమ్మూ కాశ్మీర్‌, మలేషియా ప్రకతి అందాలలో చిత్రీకరించాం. అనూప్‌ రూబెన్స్‌ అద్భుతమైన బాణీ అందిస్తే, సిద్‌ శ్రీరామ్‌ తన గాత్రంతో ప్రాణం పోశారు. ఇక చంద్రబోస్‌ రాసిన సాహిత్యం అత్యద్భుతంగా ఉంది. అద్భుతమైన మెలోడీ పాటగా అందర్నీ అలరిస్తోంది. ఇది పూర్తిగా వినోద భరిత చిత్రం. యూత్‌, ఫ్యామిలీ ఆడియన్స్‌ని ఆకట్టుకుంటుంది. ప్రస్తుతం పోస్ట్‌ ప్రొడక్షన్‌ వేగంగా జరుగుతోంది. అన్ని కార్యక్రమాలు పూర్తి చేసుకుని త్వరలో చిత్రాన్ని విడుదల చేస్తాం’ అని తెలిపారు.