ఘనంగా ‘ఇరువురు భామల కౌగిలిలో’ ప్రారంభం

దర్శకేంధ్రుడు కె.రాఘవేంద్రరావు దర్శకత్వ పర్యవేక్షణలో దీపా ఆర్ట్స్‌ పతాకంపై శ్రీనివాస గౌడ్‌ నిర్మిస్తున్న చిత్రం ‘ఇరువురు భామల కౌగిలిలో..’. అచ్యుత్‌ చౌదరి దర్శకత్వంలో తెరకెక్కుతున్న ఈ చిత్రం ఆదివారం అన్నపూర్ణ స్టూడియోలో ఎంతో ఘనంగా ప్రారంభమైంది. పూజా కార్యక్రమాల అనంతరం దర్శకులు కె.రాఘవేంద్రరావు స్క్రిప్ట్‌ను నటీ నటులు, దర్శక, నిర్మాతలకు అందచేశారు. ‘కమిటీ కుర్రాళ్లు’ ఫేమ్‌ త్రిన్యాద్‌ వర్మ హీరోగా, వైష్ణవి కొల్లూరు, మలినా హీరోయిన్లుగా నటిస్తుండగా, అక్షర గౌడ కీలకపాత్ర పోషిస్తున్నారు. ఈ చిత్ర ప్రారంభోత్సవం సందర్భంగా హీరో, హీరోయిన్లపై నిహారికా కొణిదెల క్లాప్‌నివ్వగా, దర్శకులు బి.గోపాల్‌ కెమెరా స్విచాన్‌ చేశారు.

ఫస్ట్‌షాట్‌కి దర్శకులు ఎ.కోదండరామిరెడ్డితో పాటు నిర్మాత, కెమెరామెన్‌ ఎస్‌.గోపాల్‌రెడ్డి గౌరవ దర్శకత్వం వహించారు. త్వరలోనే రెగ్యులర్‌ చిత్రీకరణ జరుపుకోనున్న ఈ చిత్ర ఓపెనింగ్‌కి ‘కమిటీ కుర్రాళ్లు’ దర్శకుడు యదు వంశీతో పాటు ఆ సినిమాలో నటించిన నటీనటులందరూ పాల్గొన్నారు. ‘టిల్లు స్వ్క్రేర్‌’ దర్శకుడు మల్లిక్‌రామ్‌, దర్శకులు వర ముళ్లపూడి తదితరులు ఓపెనింగ్‌ పూజా కార్యక్రమంలో పాల్గొని, చిత్ర విజయాన్ని ఆకాంక్షించారు. ఈ చిత్రానికి సంగీతం: శీను భీట్స్‌, డిఓపి: శశాంక్‌ శ్రీరామ్‌, మాటలు : శ్రీధర్‌ సీపాన, ఎడిటర్‌: రాఘవేంధ్ర వర్మ, లైన్‌ ప్రొడ్యూసర్‌: సౌజన్య, ఎగ్జిక్యూటివ్‌ ప్రొడ్యూసర్‌: సాయిరామ్‌ దేవర్ల, ప్రొడక్షన్‌ డిజైనర్‌: షర్మిలా కొప్పిశెట్టి, కాస్టూమ్స్‌: ప్రణతి, నిర్మాత: శ్రీనివాస గౌడ, దర్శకత్వం: అచ్యుత్‌ చౌదరి.