నవతెలంగాణ – అశ్వారావుపేట
ఆయిల్ ఫెడ్ ఆద్వర్యంలో అప్పారావు పేట, అశ్వారావుపేట నర్సరీల్లో నూతనంగా పెంచుతున్న పామాయిల్ మొక్కలను సాక్ఫిండో ఇండోనేషియా టెక్నికల్ సపోర్ట్ ఆఫ్ పామ్ఎలిట్ ప్రతినిధి శ్రీ విజయన్ శనివారం తనిఖీ చేసారు. ఆయిల్ ఫెడ్ ఈ ఏడాది ఇండోనేషియా నుండి 5 లక్షల సిరాడ్ పామాయిల్ వంగడాల విత్తనాలను దిగుమతి చేసుకుని స్థానిక నర్సరీల్లో మొక్కలు పెంచుతున్నారు. ఈ విత్తనాలు నాటే కార్యక్రమాన్ని వ్యవసాయశాఖ మంత్రి తుమ్మల నాగేశ్వరరావు,ఆయిల్ ఫెడ్ చైర్మన్ జంగా రాఘవరెడ్డి లు లాంఛనంగా ప్రారంభించారు.
ఈ క్రమంలో విత్తన సరఫరా చేసిన కంపినీ ప్రతినిధి ఆ నాటిన విత్తనాలు మొలక దశలో వాటి ఆరోగ్యం,పెరుగుదల,పోషకాలు మొదలగు అంశాలను అధ్యయనం చేయడానికి ఆయన వచ్చారు. ఆయన వెంట ఆయిల్ ఫెడ్ జిల్లా ఇంఛార్జి నాయుడు రాధా క్రిష్ణ, నర్సరీ ల ఇంచార్జి లు బీ. మహేష్,ముద్దు క్రిష్ణ లు ఉన్నారు.
