ఘనంగా మండలంలో దీక్ష దివాస్ 

నవతెలంగాణ -పెద్దవంగర
మండల కేంద్రంలోని బీఆర్ఎస్ పార్టీ కార్యాలయంలో దీక్ష దివాస్ కార్యక్రమాన్ని శనివారం ఘనంగా నిర్వహించారు. ఈ సందర్భంగా ఆ పార్టీ మండల అధ్యక్షుడు ఈదురు ఐలయ్య ఆధ్వర్యంలో కేసీఆర్ ఫ్లెక్సీ కి పాలాభిషేకం చేశారు. అనంతరం ఆయన మాట్లాడుతూ.. కేసీఆర్ చేపట్టిన ఉద్యమాల త్యాగ ఫలమే ప్రత్యేక తెలంగాణ రాష్ట్ర ఆవిర్భావం అన్నారు. మాజీ ముఖ్యమంత్రి కేసీఆర్ త్యాగాలను ప్రతి ఒక్కరు గుర్తుకు తెచ్చుకోవాలని అన్నారు. ప్రత్యేక రాష్ట్రాన్ని సాధించి తెలంగాణను అన్ని రంగాల్లో ముందుంచిన ఘనత కేసిఆర్ కే దక్కుతుందన్నారు. ప్రజా సంక్షేమ కోసం ఎన్నో అభివృద్ధి పథకాలను అమలు చేశారని కొనియాడారు. కార్యక్రమంలో సీనియర్ నాయకులు రామచంద్రయ్య శర్మ, సునీల్ రెడ్డి, సంజయ్, సుధీర్, సమ్మయ్య, రఘు, జ్ఞానేశ్వర్ చారి, అశోక్, వెంకట్ రెడ్డి, రమేష్, యాకన్న, అనుదీప్, అశోక్, వెల్మ తదితరులు పాల్గొన్నారు.