తెలంగాణ విద్యుత్‌ రంగంలో పెట్టుబడులు పెరగాలి: భట్టి

నవతెలంగాణ హైదరాబాద్‌: రాష్ట్రంలో విద్యుత్‌ అవసరాలు తీర్చేందుకు ప్రణాళికలు తయారు చేసినట్లు ఉప ముఖ్యమంత్రి భట్టి విక్రమార్క అన్నారు. రాష్ట్రంలో విద్యుత్‌ పరిస్థితి, భవిష్యత్‌ అవసరాలపై భట్టి మీడియా సమావేశం ఏర్పాటుచేశారు. విద్యుత్‌ డిమాండ్‌ సన్నద్ధతపై పవర్‌ పాయింట్‌ ప్రజంటేషన్‌ ఇచ్చారు.

‘‘2047 నాటికి రాష్ట్రాన్ని 3 ట్రిలియన్‌ ఎకానమీగా తీర్చిదిద్దాలనే లక్ష్యంతో ప్రభుత్వం ముందుకెళ్తోంది. విద్యుత్‌ రంగంలో పెట్టుబడులు పెరగాలి. 2047 నాటికి లక్ష మెగావాట్ల విద్యుత్‌ అవసరం ఉంటుంది. విద్యుత్‌ స్టోరేజ్‌పై ఇప్పటి వరకు ఎలాంటి ప్రణాళికలు చేయలేదు. విద్యుత్‌ను బ్యాటరీ స్టోరేజ్‌, పంప్‌డ్‌ స్టోరేజ్‌ల్లో అందుబాటులోకి తీసుకురావాలని ప్రభుత్వం భావిస్తోంది. రాష్ట్రంలో 12 ప్రాంతాల్లో పంప్‌డ్‌ స్టోరేజ్‌ పాయింట్లకు అవకాశం ఉంది’’ అని భట్టి అన్నారు.