నవతెలంగాణ – మల్హర్ రావు
గ్రామ పంచాయతీల్లో పోలింగ్ తంతు లేకుండా ఏకగ్రీవంగా సర్పంచ్, వార్డు సభ్యులను ఎంపిక చేసే పల్లెకు ప్రభుత్వం ఆసక్తి చూపడం’పోరు’ లేదు. పంచాయతీ ఎన్నికల షెడ్యూల్, నోటిఫికేషన్ వెలువడినప్పటికి ఏకగ్రీవ పంచాయతీలకు ప్రోత్సాహకాలు ప్రకటించకపోవడంపై ప్రజలు అసంతృప్తిని వ్యక్తం చేస్తున్నారు. గ్రామాలలో రాజకీయ కక్షలు పెరగకుండా ఉండాలంటే గ్రామస్తులు అంతా కూర్చుని ఏకగ్రీవ పద్దతిలో సర్పంచ్, వార్డు సభ్యులు, అందులోనే ఉప సర్పంచ్ ను ఎన్నుకునే ఆనవాయితీని ఉమ్మడి రాష్ట్రంలో నుంచి విస్తృతం చేశారు.
ఏకగ్రీవంగా ప్రజాప్రతినిధులను ఎంపిక చేసిన పంచాయతీలకు ప్రత్యేక నిధులు ఇవ్వడం వల్ల అభివృద్ధి జోరుగా సాగుతుందనే ఉద్దే శ్యంతో అనేక చోట్ల ఏకగ్రీవాలు జరిగాయి. గతంలో ఏకగ్రీవ పంచాయతీలకు రూ.1లక్ష నుంచి రూ. 5లక్షల వరకూ ప్రోత్సాహకాలను అందించారు. 2019లో జరిగిన పంచాయతీ ఎన్నికల సందర్భంలో అప్పటి బీఆర్ఎస్ ప్రభుత్వం ఏకగ్రీవ ప్రోత్సా హకాన్ని రూ.15 లక్షలకు పెంచింది. కానీ నిధుల కొరతతో ఏకగ్రీవంగా ఎన్నుకొన్న జిల్లాలోని 33 పంచాయతీల్లో ఏ ఒక్క పంచాయతీకి ఏకగ్రీవ నజరానాను అప్పట్లో ప్రభుత్వం అందించలేదు. ఈసారి మూడు విడతల్లో ఎన్నికలను జరుపనుండగా తొలివిడత సంగ్రామం మొదలైనా ప్రభుత్వం నుంచి ఏకగ్రీవ పంచాయతీలకు ప్రో త్సాహ విషయంపై స్పష్టత రాలేదు.
