ధ్వంసమవుతున్నా..పట్టించుకోరే..!

– అధికారుల తీరుపై విమర్శలు
-ఏఓ కార్యాలయం వద్ద ధ్వంసమైన రైతు పాడి ఆవు ప్రతిమ
నవతెలంగాణ-బెజ్జంకి : రైతే రాజు..రైతులేనిదే రాజ్యం లేదూ..రైతు సంక్షేమమే మా ద్యేయమంటూ ప్రగడ్భాలు పలికే ప్రజాప్రతినిధులు,అధికారుల తీరుపై పలువురు  రైతులు శనివారం అసహనం వ్యక్తం చేస్తున్నారు.రైతు సంక్షేమానికి ప్రతికగా నిలిచే పాడి ఆవు ప్రతిమ ధ్వంసమవుతున్నా పట్టించుకునే నాదుడే కరువయ్యారని విమర్శిస్తున్నారు.గత కొద్దేండ్ల క్రితం మండల కేంద్రంలోని వ్యవసాయాధికారి కార్యాలయ అవరణం వద్ద నిర్మించిన పాడి ఆవు ప్రతిమ ధ్వంసమైంది.ఎందరో జిల్లాధికారులు, ప్రత్యేకాధికారులు రైతు వేదికలో నిర్వహించే వివిధ కార్యక్రమాలకు హజరవుతున్నా ధ్వంసమైన పాడి ఆవు ప్రతిమను కన్నెత్తి చూడకుండా వెళ్తుండడం ఆశ్చర్యం.ఇప్పటికైనా సంబంధిత అధికారులు ధ్వంసమైన పాడి ఆవు ప్రతిమకు మరమ్మతులు చేపట్టి రైతు గౌరవాన్ని నిలుపుకోవాలని పలువురు రైతులు సూచించారు.