- Advertisement -
నవతెలంగాణ – హైదరాబాద్: యాషెస్ సిరీస్లో ఇంగ్లండ్ స్టార్ బ్యాటర్ జో రూట్ అద్భుత శతకంతో మెరిశాడు. ఆస్ట్రేలియా గడ్డపై అతడికి ఇదే తొలి టెస్ట్ సెంచరీ కావడం విశేషం. అయితే, ఈ సెంచరీ రూట్కు ఎంత ఆనందాన్ని ఇచ్చిందో, ఆస్ట్రేలియా మాజీ దిగ్గజం మాథ్యూ హేడెన్కు అంతకుమించిన ఊరటను ఇచ్చింది. రూట్ సెంచరీ చేయడంతో, హేడెన్ ఓ వింత శపథం నుంచి బయటపడ్డాడు. ఈ యాషెస్ సిరీస్లో రూట్ కనీసం ఒక సెంచరీ అయినా చేయకపోతే, మెల్బోర్న్ క్రికెట్ గ్రౌండ్ (MCG) చుట్టూ నగ్నంగా నడుస్తానని హేడెన్ గతంలో ఒక యూట్యూబ్ పాడ్కాస్ట్లో ప్రకటించాడు. దీంతో ఈ సిరీస్లో రూట్ ప్రదర్శనపై అందరిలో ఆసక్తి నెలకొంది. రూట్ సెంచరీ చేయగానే హేడెన్ కుమార్తె గ్రేస్ స్పందిస్తూ “మా కళ్లను కాపాడినందుకు థ్యాంక్యూ రూట్” అంటూ ఇన్స్టాగ్రామ్లో పోస్ట్ చేసింది.
- Advertisement -
