జాతీయ ఆర్చరీ విజేత కొల్లూరు డీపీఎస్‌

హైదరాబాద్‌: ఇంటర్‌-డీపీఎస్‌ జాతీయ స్థాయి ఆర్చరీ చాంపియన్‌షిప్‌ టైటిల్‌ను కొల్లూరు ఢిల్లీ పబ్లిక్‌ స్కూల్‌ కైవసం చేసుకుంది. రెండ్రోజుల పాటు జరిగిన ఈ పోటీలు ఆదివారం ముగిశాయి. ఈ పోటీలకు డీపీఎస్‌ కొల్లూరు ఆతిథ్యమివ్వడం వరుసగా ఇది మూడోసారి. ఈ ఏడాది 17 రాష్ట్రాల నుండి సుమారు 200 మంది విద్యార్థులు ఈ పోటీలలో పాల్గొన్నారు. అండర్‌-10, 13, 15, 17 విభాగాలలో ఇండియన్‌, కాంపౌండ్‌, రికర్వ్‌ కేటగిరీలలో పోటీలు జరిగాయి. మొదటి స్థానంలో ఢిల్లీ పబ్లిక్‌ స్కూల్‌ కొల్లూరు, రెండవ స్థానంలో డీపీఎస్‌ మియాపూర్‌, మూడవ స్థానంలో డీపీఎస్‌ నాదర్గుల్‌ నిలిచాయి. గెలుపొందిన వారికి ఢిల్లీ పబ్లిక్‌ స్కూల్‌ కొల్లూరు ప్రో వైస్‌ చైర్మన్‌ టి.భీమ్‌సేన్‌, ప్రిన్సిపల్‌ సి.జె.వసంత బహుమతులు ప్రదానం చేశారు