నవతెలంగాణ-హైదరాబాద్: మొద‌టి విడ‌త స్థానిక సంస్థ‌ల ఎన్నిక‌ల్లో భాగంగా న‌ల్లొండ జిల్లా న‌కిరేక‌ల్ మండలం నోముల గ్రామంలో ర‌స‌వ‌త్త‌రంగా నామినేషన్ల ప‌ర్వం కొన‌సాగుతోంది. నామినేషన్ల దాఖ‌లుకు శ‌నివారం సాయంత్రం గ‌డువు ముగిసింది. ఈ నేప‌థ్యంలో చివ‌రి రోజు ఎన్నిక‌ల బ‌రిలో నిలిచే అభ్య‌ర్థులు పోటా పోటీగా నామినేష‌న్లు దాఖలు చేశారు.
కాంగ్రెస్‌, బీఆర్ ఎస్ పార్టీ అభ్య‌ర్థులతో పాటు ప‌లువురు స్వ‌తంత్ర అభ్య‌ర్థులుగా నామినేషన్ల వేశారు. ఈక్ర‌మంలోనే గ్రామంలో ఓ యువ‌కెర‌టం, స్టాప్‌వేర్ ఇంజ‌నీర్ రాజ‌కీయంలో పెను సంచ‌ల‌నం సృష్టించాడు. స్వ‌తంత్ర గ్రామ సర్పంచ్ అభ్యర్థిగా నామినేషన్ వేసి అంద‌రి దృష్టిని ఆక‌ర్షించాడు.ఇంత‌కు ఎవ‌రా యువ‌కుడని తెలిసుకోవాల‌ని ఆస‌క్తిగా ఉందా..ఇంకెందుకు ఆల‌స్యం పూర్తి వివ‌రాలోకి వెళ్దాం..
గ్రామంలోని కుంచం వెంక‌న్న-వెంక‌ట‌మ్మ సాధార‌ణ వ్య‌వ‌సాయ కుటుంబం. వీరికి ఇద్ద‌రు సంతానం.. కుమారుడు గోపీ, కూతురు శ్రావ‌ణి. కుంచం గోపీ చిన్న‌నాటి నుంచి విద్య‌లో చురుకైన విద్యార్థి. స్థానికంగా ఉన్న చైత‌న్య‌భార‌తి స్కూల్‌లో ఒక‌టి నుంచి ఐదో త‌ర‌గ‌తి ప్రాథ‌మిక విద్య‌ను పూర్తి చేసి, ఆ త‌ర్వాత గ్రామంలోని ZPHS స్కూల్‌లో ప‌దో త‌ర‌గ‌తి పూర్తి చేశారు. ఖ‌మ్మంలో ఇంట‌ర్ పూర్తి చేశారు. సాంకేతిక విద్య(B.TECH) కోసం రాష్ట్ర రాజ‌ధాని హైద‌రాబాద్‌కు వెళ్లి ప్ర‌ముఖ ఇంజ‌నీరింగ్ క‌ళాశాల్లో ఎయిరోనాటిక‌ల్ లో డిగ్రీ ప‌ట్టాను అందుకున్నారు. ఐటీ హ‌బ్ గా పేరుపొందిన క‌ర్నాట‌క‌లోని బెంగుళూర్ వెళ్లి ఉద్యోగం కోసం త‌ర్ఫీదు పొందారు. శిక్ష‌ణాంత‌రం హైదరాబాద్ లోని ఓ ప్ర‌ముఖ సంస్థ‌లో స్టాప్ట్ వేర్ ఇంజ‌నీర్‌గా విధులు నిర్వ‌హిస్తున్నారు.
స్టాప్ట్‌వేర్ ఉద్యోగంలో చేర‌క‌ముందు కొంత‌కాలం గ్రామంలో వ్య‌వ‌సాయం తో పాటు అనేక ర‌కాల‌ను ప‌నుల‌ను స్వ‌యంగా నిర్వ‌హించారు. సాగులో వారి నాన్న‌కు చేదోడువాదోడుగా నిలిచారు. ఈక్ర‌మంలోనే కాస‌న‌గోడు గ్రామానికి చెందిన రూప‌ణి శ్రీను-ప‌ద్మ దంప‌తుల కూమారై దివ్యను గోపీ వివాహం చేసుకున్నారు. దివ్య స్థానికంగా ప్ర‌ముఖ కాలేజ్‌లో కంప్యూట‌ర్ కోర్సులో డిగ్రీ పూర్తి చేశారు. ప్ర‌స్తుతం ఈ దంప‌తుల‌కు ఇద్ద‌రు కుమారులు ఉన్నారు.
అదేవిధంగా వ‌డ్డెర సామాజిక వ‌ర్గానికి చెందిన కుంచం గోపీ..ఇటీవ‌ల ఆ క‌మ్యూనిటీ ప్రెసిడెంట్ గా ఎన్నికైయ్యారు. ప్ర‌స్తుతం స్థానిక సంస్థ ఎన్నిక‌ల్లో భాగంగా సర్పంచ్ స్థానానికి స్వ‌తంత్ర అభ్యర్థిగా కుంచం గోపీ స‌తీమ‌ణీ ఉన్న‌విద్యావంతురాలైన దివ్యను బ‌రిలో నిలిపారు. నోముల గ్రామాభివృద్ధితో పాటు పాల‌న‌లో మార్పే ప్ర‌ధాన ఎజెండాగా ఎన్నిక‌ల్లో పోటీ చేస్తున్నాన‌ని, అందుకు గ్రామ‌స్తుల‌తో పాటు యువతీ, యువ‌కులు మ‌ద్ద‌తుగా నిలువాల‌ని కుంచం దివ్య‌గోపీ కోరుతున్నారు.
