స్థానిక ఎన్నికల కిక్కు

డిసెంబర్ 1 నుంచి కొత్త మద్యం షాపులు ప్రారంభం..
నవతెలంగాణ – మల్హర్ రావు
కొత్త లిక్కర్ షాపులకు.. స్థానిక ఎన్నికల కిక్కు కలిసొచ్చింది.చివరి లక్కీ డ్రాప్స్ అమ్మకాల వేటలో పాత వారు..డక్కెన్ ఓపెన్ భారీ బోణి కొట్టాలని కొత్త యజమానులు ఆశపడుతున్నారు. ఈనెల 25న పంచాయతీ ఎన్నికల నోటిఫికేషన్ వెలువడగా, డిసెంబర్ 17 వరకు ఎన్నికల ప్రక్రియ కొనసాగనుంది. డిసెంబర్ 1 నుంచి కొత్త లిక్కర్ షాపులు తెరుచుకోనున్నాయి. వీరికి ఈనెల 30నే మద్యం కేటాయించనున్నట్లు తెలుస్తోంది.మండలంలో కొయ్యుర్,తాడిచెర్లలో రెండు వైన్ షాపులున్నాయి.గత నెల 27న లక్కీ డ్రా నిర్వహించారు. డిసెంబర్ 1 నుంచి కొత్త వైన్షాపులు ప్రారంభం కానున్నాయి. పంచాయతీ ఎన్నికలకు సంబంధించి ఇప్పటికే నో టిఫికేషన్ వెలువడింది.కాగా మండలంలో మొత్తం 15 గ్రామ పంచాయతీలకు,128 వార్డులకు ఎన్నికలు జరుగనున్నాయి. డిసెంబర్ 17 వరకు ఎన్నికల ప్రక్రియ కొనసాగనుండగా, మద్యం విచ్చలవిడిగా ప్రవహించే అవకాశం ఉంది. నామినేషన్ ప్రక్రియ నుంచి ఎన్నికల ఫలితాల వరకు నిత్యం పండగే ఉంటుంది.డిసెంబర్ 1 నుంచి కొత్త షాపులు ప్రారంభం కానున్న నేప థ్యంలో యజమానులు ఇప్పటికే షాపులు కిరాయి తీసుకున్నారు. కౌంటర్లు, షోకేజ్లు, బాటిల్ కూలర్ లు సిద్ధం చేసుకొని ఎదురు చూస్తున్నారు. కాగా పాత యజమానులు కూడా, ఈ రెండు రోజుల్లో పెద్ద ఎత్తున మద్యం కొనుగోలు చేసి, ఎన్నికల వేళ బ్లాక్ లో అమ్ముకోవడానికి సిద్ధం చేసుకుంటున్నారని సమాచారం. ఎక్సైజ్ అధికారులు దృష్టిసారిస్తే అక్రమ మద్యం అమ్మకాలు అరికట్టే అవకాశం ఉంటుంది.