డిసెంబర్ 21న లోక్ అదాలత్

నవతెలంగాణ – భువనగిరి
డిసెంబర్ 21న జాతీయ లోక్ అదాలత్ లో అధిక కేసులు పరిష్కారానికి జిల్లాలోని అన్ని కోర్టుల కృషి చేయాలని మొదటి అదనపు జిల్లా న్యాయమూర్తి పి ముక్తిదా, జిల్లా న్యాయ సేవా అధికార సంస్థ కార్యదర్శి మాధవిలత తెలిపారు. శనివారం జిల్లా కేంద్రంలో నిర్వహించిన సమావేశంలో వారు మాట్లాడారు. జాతీయ లోక్ అదాలత్ లో అధిక కేసుల పరిష్కారానికి జిల్లాలోని అన్ని కోర్టుల న్యాయమూర్తులతో, జిల్లాలోని ఎ. సి. పిలతో వర్చువల్ పద్ధతిలో సమావేశం నిర్వహించి కేసుల పరిష్కారంలో పూర్తి సహకారం అందచేయాలన్నారు. తెలియచేసి ఈ లోక్ అదాలత్ పై అందరికీ అవగాహన కల్పించాలని కోరారు. డిసెంబర్ నెల 13వ తేదీన ఉన్న జాతీయ లోక్ అదాలత్ ను స్థానిక సంస్థల ఎన్నికల దృష్ట్యా డిసెంబర్ 21వ తేదీకి వాయిదా వేసినట్లు, ఈ లోక్ అదాలత్ ను కక్షిదారులు సద్వినియోగం చేసుకొని తమ కేసులని పరిష్కరించుకొని శాంతియుతంగా జీవనం సాగించాలని కోరారు.