‘డేవిడ్‌ రెడ్డి’గా మంచు మనోజ్‌

హీరో మనోజ్‌ మంచు తాజాగా నటిస్తున్న హిస్టారికల్‌ యాక్షన్‌ డ్రామా చిత్రానికి ‘డేవిడ్‌ రెడ్డి’. హనుమ రెడ్డి యక్కంటి దర్శకత్వంలో వెల్వెట్‌ సోల్‌ మోషన్‌ పిక్చర్స్‌ బ్యానర్‌పై మోతుకూరి భరత్‌, నల్లగంగుళ వెంకట్‌ రెడ్డి నిర్మిస్తున్నారు. ఈ సినిమా కథ 1897 నుంచి 1922 వరకూ నడుస్తుంది.
ఈ స్టోరీలో మనోజ్‌ ఎన్నడూ చూడని పవర్‌ఫుల్‌లో కనిపించనున్నారు. కుల వ్యవస్థ ఒత్తిడుల నుంచి తిరగబడి, బ్రిటిష్‌ సామ్రాజ్యంపై తిరుగుబాటు చేసిన ఓ రెబల్‌ కథ ఇది.
21 సంవత్సరాల క్రితం ఇదే రోజున మంచు మనోజ్‌ ‘దొంగ దొంగది’ చిత్రంతో అరంగేట్రం చేశారు. సరిగ్గా రెండు దశాబ్దాల తర్వాత తన న్యూ బ్లాస్టింగ్‌ వెంచర్‌ ‘డేవిడ్‌ రెడ్డి’ని ప్రకటిం చడం విశేషం. ప్రస్తుతం ప్రీ-ప్రొడక్షన్‌లో ఈ సినిమా ఉంది. తెరపై చూపించే విప్లవానికి టోన్‌ను పోస్టర్‌ సెట్‌ చేస్తుంది. టైటిల్‌ డిజైన్‌ని మనోజ్‌ ఫేస్‌లోకి మార్చడం చాలా క్రియేటివ్‌గా ఉంది. ‘మద్రాస్‌ ప్రెసిడెన్సీలో పుట్టాడు, ఢిల్లీలో పెరిగాడు, ఇప్పుడు బ్రిటిష్‌ సామ్రాజ్యాన్ని వణికిస్తున్నాడు!” అనే ట్యాగ్‌లైన్‌ కట్టిపడేసింది. విజువల్‌గా అద్భుతమైన పోస్టర్‌ సినిమా ఎంత పవర్‌ఫుల్‌గా ఉంటుందో చెప్పకనే చెప్పిందని చిత్ర యూనిట్‌ తెలిపింది.