సమ్మర్‌ స్పెషల్‌గా ‘మండాడి’

ఆర్‌ఎస్‌ ఇన్ఫోటైన్‌మెంట్‌ నుండి 16వ ప్రాజెక్ట్‌గా ‘మండాడి’ చిత్రం రాబోతోంది. మదిమారన్‌ పుగళేంది దర్శకత్వంలో సూరి, సుహాస్‌ ప్రధాన పాత్రల్లో ఇంటెన్స్‌ స్పోర్ట్స్‌-యాక్షన్‌ డ్రామాగా రూపుదిద్దుకుంటోంది. ఇంటెన్స్‌ రా అండ్‌ రస్టిక్‌, రూటెడ్‌ కథతో భారీ స్థాయిలో ఈ చిత్రాన్ని తెరకెక్కిస్తున్నారు. అద్భుతమైన విజువల్స్‌, అద్భుతమైన నటన, ఎమోషన్స్‌తో ఈ మూవీ రాబోతోంది. ముఖ్యంగా సుహాస్‌ మొదటిసారి పూర్తి స్థాయి విలన్‌గా నటించడంతో ఈ మూవీ మరింత ప్రత్యేకంగా నిలుస్తుంది. ఇప్పటికే 70% షూటింగ్‌ పూర్తి అయ్యిందని చిత్రయూనిట్‌ తెలిపింది.

2026 వేసవిలో ఈ మూవీని విడుదల చేయాలని ‘మండాడి’ టీం ప్రయత్నిస్తోంది. ఇది సూరి కెరీర్‌లో అతిపెద్ద, అత్యంత ప్రతిష్టాత్మక చిత్రంగా నిలుస్తుంది. ఇంత వరకు సూరి పోషించిన అన్ని పాత్రల్లోకెల్లా ఈ మూవీ, అందులోని క్యారెక్టర్‌ మరింత స్పెషల్‌గా ఉండబోతోంది. సూరి, సుహాస్‌ యాక్షన్‌ సీక్వెన్స్‌, హై-ఇంటెన్సిటీతో సముద్రంలో ఉండే యాక్షన్‌ సన్నివేశాలు, సెయిల్‌ బోట్‌ రేస్‌ ఎపిసోడ్ల కోసం వారిద్దరూ పడిన కష్టం, ఆరు నెలల పాటు పొందిన కఠిన శిక్ష ఇవన్నీ సినిమాల్లో ప్రధాన ఆకర్షణగా నిలుస్తాయి. తమిళం, తెలుగు, హిందీ భాషలలో విడుదలవుతున్న ఈ చిత్రం పాన్‌-ఇండియన్‌ రీచ్‌ను లక్ష్యంగా పెట్టుకుంది.