మైనర్లు వాహనాలు నడపరాదు

జిల్లా న్యాయ సేవాధికార సంస్థ కార్యదర్శి రజని
నవతెలంగాణ – వనపర్తి 
మైనర్లు వాహనాలు నడపరాదు అని జిల్లా న్యాయ సేవాధికార సంస్థ కార్యదర్శి వి రజని అన్నారు. శుక్రవారం వనపర్తి జిల్లా నాగవరం గ్రామంలోని మండల పరిషత్ ప్రాథమిక పాఠశాలలో జిల్లా న్యాయ సేవాధికార సంస్థ ఆధ్వర్యంలో విద్యార్థులకు చట్టాలపై అవగాహన సదస్సు జరిగింది. ఈ సదస్సులో జిల్లా న్యాయ సేవ అధికార సంస్థ కార్యదర్శి మాట్లాడుతూ మోటార్ వాహనాల చట్టం ప్రకారం 18 సంవత్సరాల లోపు బాల బాలికలు వాహనాలు నడపడం చట్టరీత్యా నేరమని తెలియజేశారు. బాల్య వివాహాల నిషేధ చట్టం ప్రకారం మైనర్ల వివాహాలకు సహకరించిన ప్రతి ఒక్కరు కూడా చట్టప్రకారంగా శిక్ష అర్హులు అవుతారని తెలియజేశారు. బాల బాలికలకు గుడ్ టచ్ బ్యాడ్ టచ్ గురించి వివరించారు. మరియు విద్యార్థులు వినోదం, సందేశాత్మకమైన, నీతి కథలు వంటి పుస్తకాలను చదవడం వలన సమయస్ఫూర్తి పెరుగుతుందని తెలియజేశారు. మరియు ఉచిత న్యాయ సహాయం గురించి వివరించారు. ఉచిత న్యాయ సలహాల కొరకు 15100 టోల్ ఫ్రీ నెంబర్ ను సంప్రదించవచ్చు అని తెలియజేశారు. కార్యక్రమంలో డిప్యూటీ లీగల్ ఎయిడ్ డిఫెన్స్ కౌన్సిల్స్ కృష్ణయ్య , పాఠశాల ప్రధానోపాధ్యాయులు ఉపాధ్యాయ బృందం మరియు విద్యార్థులు పాల్గొన్నారు.