అవినీతి కేసులో క్షమాభిక్ష కోరిన నెతన్యాహు

జెరూసలేం : అవినీతి కేసులో విచారణను ఎదుర్కొంటున్న ఇజ్రాయిల్‌ ప్రధానమంత్రి బెంజమిన్‌ నెతన్యాహు ఆ దేశ అధ్యక్షుడిని క్షమాభిక్ష కోరారు. అధ్యక్ష కార్యాలయంలోని న్యాయ విభాగానికి క్షమాపణ కోసం అభ్యర్థనను సమర్పించారు. ఈ విషయాన్ని ప్రధానమంత్రి కార్యాలయం ఆదివారం ఒక ప్రకటనలో తెలిపింది. దీన్ని ‘అసాధారణ అభ్యర్థన’గా అధ్యక్ష కార్యాలయం అభివర్ణించింది. ఇది అనేక చిక్కులతో కూడికుని ఉందని తెలిపింది. నెతన్యాహును క్షమించాలని ఇజ్రాయిల్‌కు అమెరికా అధ్యక్షులు డొనాల్డ్‌ ట్రంప్‌ విజ్ఞప్తి చేసిన కొన్ని రోజుల్లోనే ఈ అభ్యర్థన చేయడం గమనార్హం.