- ఎన్నికల్లో అభ్యర్థుల ఖర్చుపై ముందుగానే డిక్లరేషన్
- నామినేషన్ అఫిడవిట్ లో ఖాళీలు లేకుండా నింపాలి
- ఎన్నికల నిర్వహణకు పకడ్బందీగా ఏర్పాట్లు
- వివరాలు వెల్లడించిన ఎంపీడీఓ కుసుమ మాధురి
- నవతెలంగాణ – ఆమనగల్
- గ్రామపంచాయతీ ఎన్నికల్లో మొదటిసారిగా “నోటా” ను ప్రవేశ పెట్టినట్లు మండల అభివృద్ధి అధికారి కుసుమ మాధురి తెలిపారు. ఎన్నికల్లో పోటీల్లో ఉన్న అభ్యర్థుల్లో ఎవరు నచ్చకపోతే నోటాకు ఓటు వేసే అవకాశం ఉందని అన్నారు. ఇప్పటివరకు అసెంబ్లీ, పార్లమెంట్ ఎన్నికల్లోనే నోటా ఉండగా ఇప్పుడు స్థానిక సంస్థల ఎన్నికల్లో నోటాను ఎన్నికల కమిషన్ ప్రవేశపెట్టిందన్నారు. గ్రామపంచాయతీ ఎన్నికల నిర్వహణ ఏర్పాట్లపై శనివారం ఆమె నవతెలంగాణ తో మాట్లాడారు.
-ఎన్నికల ఖర్చులపై డిక్లరేషన్..
గ్రామపంచాయతీ ఎన్నికల్లో పోటీ చేసే అభ్యర్థులు నిబంధనలకు లోబడి ఖర్చు చేస్తామని ముందుగానే ఎన్నికల అధికారులకు అఫిడవిట్ ఇవ్వాలి. ఈసారి కొత్తగా ఈ విధానాన్ని ఎన్నికల కమిషన్ తీసుకువచ్చింది. ఎన్నికల్లో అభ్యర్థులు ఎవరైనా నిబంధనలను ఉల్లంఘించి, పరిమితికి మించి ఖర్చు చేస్తే దాన్ని ఛాలెంజ్ చేస్తూ, వారిని పదవి నుంచి డిస్క్వాలిఫై చేసే అవకాశం ఉంటుంది. అన్ని నామినేషన్ కేంద్రాల్లో హెల్ప్ డెక్స్ లను ఏర్పాటు చేసినట్లు చెప్పారు. అభ్యర్థులు ఒకరోజు ముందుగానే వచ్చి అవసరమైతే నామినేషన్ పత్రాలను హెల్ప్ డెస్క్ ల ద్వారా నింపుకోవచ్చని డమ్మీ నామినేషన్ వేయడం మంచిదని, ఈ విషయంలో అధికారులు, సిబ్బంది అభ్యర్థులకు సహకరిస్తారని, ఒక అభ్యర్థి నాలుగు సెట్ల నామినేషన్ పత్రాలు సమర్పించవచ్చని వారు తెలిపారు.
-నామినేషన్ పత్రాల్లో ఖాళీలు ఉంచొద్దు..
పంచాయతీ ఎన్నికల్లో పోటీ చేసే అభ్యర్థులు నామినేషన్ పత్రాల్లో ఎక్కడ కూడా ఖాళీగా వదిలేయవద్దని ఎంపీడీఓ తెలిపారు. అందులోని అంశాలు ఏవైనా తమకు వర్తించకపోతే నాట్ అప్లికబుల్ (ఎన్ఏ) లేదా నిల్ అని రాయాలి ఖాళీగా మాత్రం వదిలేస్తే అభ్యర్థిత్వం తిరస్కరణ గురయ్యే ప్రమాదం ఉంటుందన్నారు. నామినేషన్ పత్రాలను రాయడంలో జాగ్రత్తగా వ్యవహరించాలి. నామినేషన్ కేంద్రాల్లోని అధికారులు, సిబ్బంది సహకారం తీసుకోవచ్చు.
