కిష్టయ్య సంస్మరణ దిన వర్ధంతి వాల్ పోస్టర్ ఆవిష్కరణలో ముదిరాజ్ మహాసభ నాయకులు
నవతెలంగాణ – భువనగిరి
తెలంగాణ మలిదశ ఉద్యమంలో తన ఆత్మ బలిదానంతో తెలంగాణ ఉద్యమానికి ఊపిరిలూదిన పోలీస్ కిష్టయ్య ముదిరాజ్ విగ్రహాన్ని ట్యాంక్ బండ్ పై ఏర్పాటు చేయాలని ముదిరాజ్ మహాసభ నాయకులు ప్రభుత్వాన్ని డిమాండ్ చేశారు. శనివారం భువనగిరి పట్టణంలో డిసెంబర్ 1న నిర్వహించే పోలీస్ కిష్టయ్య సంస్కరణ దిన వర్ధంతి వాల్ పోస్టర్ ని ఆవిష్కరించారు. ఈ సందర్భంగా ముదిరాజ్ మహాసభ నాయకులు పెంట నరసింహ, కొలుపుల హరినాథ్, ఇట్టబోయిన గోపాల్ లు మాట్లాడుతూ.. తెలంగాణ ఉద్యమంలో కెసిఆర్ దీక్ష అరెస్టుతో ఎక్కడ తెలంగాణ రాకుండా పోతుందో అన్న ఆందోళనతో పోలీస్ కిష్టయ్య తన సర్వీస్ తుపాకితో కాల్చుకొని ఆత్మ బలిదానం చేసి ఉవ్వెత్తున ఉద్యమాన్ని ఎగసిపడేలా చేశాడని అన్నారు.
ఆయన బలిదానంతో ఉద్యమంలో మరింత ఊపు వచ్చి తెలంగాణ రాష్ట్ర ఏర్పాటుకు ఎంతోమంది ఉద్యోమ బాట పట్టారని అన్నారు. డిసెంబర్ 1న గ్రామాల్లో మండల కేంద్రాల్లో జిల్లా కేంద్రాల్లో అమర స్తూపాల వద్ద పోలీస్ కిష్టయ్య సంస్మరణ దిన వర్ధంతిని ఘనంగా నిర్వహించాలని పిలుఫునిచ్చారు. పోలీస్ కిష్టయ్య విగ్రహాన్ని రాజధానిలోని ట్యాంక్బండ్ పై ఏర్పాటు చేయాలని ప్రభుత్వాన్ని డిమాండ్ చేశారు. ఈ కార్యక్రమంలో మహాసభ నాయకులు కుక్కదుగు సోమయ్య, సాదు విజయ్, గొర్రెంకల శివశంకర్, ఎనబోయిన జహంగీర్, ఉడుత భాస్కర్, మాటూరి అశోక్, పిట్టల బాలరాజు, దిడ్డికది భగత్, కమ్మ వెంకటేష్,బోయిని బాలయ్య, షాగంటి నర్సింహ, గుర్రాల మల్లేష్, యాట కుమార్, మౌటం రవి, గుర్రాల శివ నాగేందర్, కనక బాలరాజు, పెంటబోయిన నాగరాజు, గుర్రాల శ్రీశైలం పాల్గొన్నారు.
