దీపావళి కానుకగా విడుదల

హీరో సిద్ధు జొన్నలగడ్డ నటిస్తున్న మ్యూజికల్‌ రొమాంటిక్‌ ఎంటర్‌టైనర్‌ ‘తెలుసు కదా’. స్టైలిస్ట్‌-ఫిల్మ్‌ మేకర్‌ నీరజా కోన దర్శకత్వం వహించిన ఈ చిత్రాన్ని పీపుల్‌ మీడియా ఫ్యాక్టరీ బ్యానర్‌పై టిజి విశ్వ ప్రసాద్‌, కృతి ప్రసాద్‌ నిర్మించారు. తమన్‌ కంపోజ్‌ చేసిన ఫస్ట్‌ సింగిల్‌ ‘మల్లికా గంధ’ ఇప్పటికే ప్రేక్షకులను ఆకట్టుకుని చార్ట్‌బస్టర్‌గా నిలిచింది. తాజాగా మేకర్స్‌ ఈ చిత్ర టీజర్‌ను ఈనెల 11న విడుదల చేస్తున్నట్టు ప్రకటించారు.
టీజర్‌ అనౌన్స్మెంట్‌తో పాటు ఒక అందమైన పోస్టర్‌ను రిలీజ్‌ చేశారు. ఇది ఈ సినిమాలోని ప్రేమకథను ప్రజెంట్‌ చేస్తోంది. సిద్ధు జొన్నలగడ్డ బాల్కనీలో నిలబడి, పక్కన కనిపించే శ్రీనిధి శెట్టి, రాశీ ఖన్నా వైపు చూడటం, రాశి చిరునవ్వుతో కనిపిస్తూ, శ్రీనిధి దూరంగా చూడటం, కథలో ట్రైయాంగిల్‌ లవ్‌ ట్రాక్‌ను చూపిస్తోంది. ఈ పోస్టర్‌ యూత్‌ ఫుల్‌ ఎనర్జీతో అందర్నీ ఆకట్టుకుంటోంది. ఈ చిత్రంలో వైవా హర్ష కీలక పాత్రను పోషిస్తున్నారు. దీపావళి కానుకగా తెలుగు, తమిళం, కన్నడ భాషల్లో ఈ సినిమా ఏకకాలంలో విడుదల కానుంది అని చిత్ర యూనిట్‌ తెలిపింది.
ఈ చిత్రానికి రచన, దర్శకత్వం: నీరజ కోన, నిర్మాతలు: టిజి విశ్వ ప్రసాద్‌, కృతి ప్రసాద్‌, సంగీతం: తమన్‌, డీఓపీ : జ్ఞాన శేఖర్‌, ఎడిటర్‌: నవీన్‌ నూలి, ప్రొడక్షన్‌ డిజైనర్‌: అవినాష్‌ కొల్లా.