సీఎంఆర్ఎఫ్ చెక్కులు పంపిణీ చేసిన షబ్బీర్ అలీ

నవతెలంగాణ – కంఠేశ్వర్ 
ప్రభుత్వ సలహాదారు మొహమ్మద్ అలీ షబ్బీర్  నిజామాబాద్ అర్బన్ నియోజక వర్గానికి చెందిన వారికి సోమవారం ఆర్ అండ్ బి గెస్ట్ హౌస్ లో  ముఖ్యమంత్రి సహాయ నిధి (CMRF) 22 చెక్కులను దాదాపు 13లక్షల రూపాయలు లబ్దిదారులకు పంపిణి చేశారు. ఈ సందర్భంగా ఆయన మాట్లాడుతూ..నిజామాబాద్ అర్బన్ నియోజక వర్గంలోనీ పలు కాలనీల లోని బాధితులకు సీఎం సహాయ నిధి నుండి నిధులు మంజూరు చేయించడం జరిగింది అన్నారు.అనారోగ్యంతో అప్పుల పాలైన వారికి సీఎంఆర్ఎఫ్ చెక్కులు ఎంతో కొంత ఉపశమనం కలిగిస్తాయి అన్నారు.పేదలకు సహాయంగా అండగా నియోజకవర్గ ప్రజల మంచి మాత్రమే కోరుకుంటామన్నారు. ఇందిరమ్మ ఇండ్లు మరియు కొత్త రేషన్ కార్డులు అర్హులకు అందిస్తాం. ఎన్నికల్లో ఇచ్చిన హామీల కంటే ఎక్కువగానే అమలు చేస్తున్నాం అని తెలియజేశారు. ఈ కార్యక్రమంలో కాంగ్రెస్ పార్టీ నాయకులు తదితరులు పాల్గొన్నారు.