జీడీ సారయ్యను వెంటనే అరెస్టు చేయాలి

– జీడి సారయ్య పైన కేసు నమోదు చేసి వెంటనే అతని అరెస్టు చేయాలి
– ధూప దీప నైవేద్య అర్చక సంఘం కామారెడ్డి జిల్లా అర్చకులు 
నవతెలంగాణ –  కామారెడ్డి
బ్రాహ్మణులను కించపరుస్తూ వీడియోలు చేసిన జీడి సారయ్య పైన కేసు నమోదు చేసి వెంటనే అతని అరెస్టు చేయాలనీ కామారెడ్డి జిల్లా ధూప దీప నైవేద్య అర్చక సంఘం కామారెడ్డి జిల్లా అర్చకులు తెలిపారు. శనివారం కామారెడ్డి జిల్లా దుప దీప నైవేద్య అర్చక సంఘం ఆధ్వర్యంలో శ్రీ వీరబ్రహ్మేంద్రస్వామి ఆలయంలో విలేకరుల సమావేశం నిర్వహించారు. ఈ సందర్భంగా జిల్లా అధ్యక్షులు అంజన్నప్ప మాట్లాడుతూ.. నాస్తిక సంఘం అధ్యక్షులు జీడి సారయ్య చేసిన అనుచిత వాక్యాలు బ్రాహ్మణులను కించపరుస్తూ చేసినటువంటి వీడియోలు తక్షణమే తొలగించాలని, హిందూ ధర్మ నిర్వాహకులు అందరికీ పురహితులకు వెంటనే సోషల్ మీడియా ద్వారా బ్రాహ్మణులకు  క్షమాపణ చెప్పాలని డిమాండ్ చేశారు. లేనిపక్షంలో పూజారులందరం కలిసి రాష్ట్ర వ్యాప్తంగా ఏకమై అనేక రకాల చర్యలు తీసుకుంటామని హెచ్చరిస్తున్నామని అన్నారు. ఇట్టి విషయం పైన కామారెడ్డి జిల్లా అడిషనల్ ఎస్పీ  నరసింహారెడ్డినిని కలిసి జీడి సారయ్యను వెంటనే అరెస్ట్ చేయాలని ఫిర్యాదు చేశారు. ఈ కార్యక్రమంలో రాష్ట్ర కార్యవర్గ సభ్యులు శీర్లవంచ కృష్ణమాచార్యులు, వర్కింగ్ ప్రెసిడెంట్ జగదీశ్వర్ పంతులు, కోశాధికారి భాస్కర్ పంతులు, శివప్రసాద్ పంతులు, నటరాజ్ పంతులు, బసవరాజ్ పంతులు, సంగమేశ్వర్ పంతులు పాల్గొన్నారు.