గ్రామ ప్రథమ పౌరుడు.. నిబంధనలు ఇలా

నవతెలంగాణ – మల్హర్ రావు
గ్రామ పంచాయతీ ఎన్నికల్లో సర్పంచ్ పదవి చాలా బాధ్యతాయుతమైంది. సర్పంచ్ గా ఎన్నికైతే అయిదేళ్లపాటు గ్రామ ప్రథమ పౌరుడి హోదా దక్కుతుంది. ప్రొటోకాల్ ప్రకారం అధికారిక కార్యక్రమాలకు ఆహ్వానం ఉంటుంది. వీరి సేవలకు గుర్తింపుగా ప్రభుత్వం నెలకు రూ.6500 గౌరవ వేతనం అందిస్తుంది. కనీసం నెలకు ఒకసారి పంచాయతీ,పాలక వర్గ సమావేశం, రెండు నెలలకు ఒకసారి గ్రామ పంచాయతీ ఆదాయ వ్యయాల ఖాతాలను ఆడిటింగ్ చేయించాలి. నిధులను గ్రామాభివృద్ధికి సక్రమంగా విని యోగించాలి. గ్రామంలో పారిశుద్ధ్య నిర్వహణకు చర్యలు చేపట్టాలి.రెండు నెలలకోసారి చొప్పున వరుసగా మూడు పర్యాయాలు గ్రామ సభలు నిర్వహించకపోతే గ్రామపంచాయతీ చట్టంలోని ? ఆర్టికల్ 23 ప్రకారం  సర్పంచ్ పదవి కోల్పోతారు. అవినీతి ఆరోపణలపై నిల ప్రజా ప్రాతినిధ్య చట్టం1951 సెక్షన్ 8 ప్రకారం పదవిపై వేటు పడుతుంది. గ్రామపంచాయతీ ఆడిట్, లెక్కలు పూర్తి చేయకపోతే సెక్షన్ 23 ప్రకారం అనర్హత వేటు ఉంటుంది.వార్డు సభ్యులంతా పాలకవర్గంగా ఉంటారు. వీరిలోనుంచి ఒకరిని ఉప సర్పంచ్ గా వ్యవహరిస్తారు. వీరికి పారితోషికం, గౌరవ వేతనం లేదు. వార్డు సభ్యులు వరుసగా మూడు సమావేశాలకు, మహిళా సభ్యులు ఆరు సమావేశాలకు గైర్హాజరైతే కలెక్టర్ ద్వారా అనర్హత వేటు పడుతుంది.