నవతెలంగాణ-ఇబ్రహీంపట్నం : భవన నిర్మాణ రంగంలో తనో తాపీ మేస్త్రి.. తాపీ, రోడ చెక్క తిప్పితే గాని కుటుంబం గడవని పరిస్థితి. భవన నిర్మాణ రంగంలో పనిచేస్తున్న కార్మిక వర్గానికి తనో పెద్దన్న. వారి హక్కుల కోసం పరితపించారు. కార్మిక వర్గాన్ని ఉద్యమ రంగంలోకి నడిపించారు. అప్పటివరకు తాపీ మేస్త్రి రంగానికే పరిమితమైన బ్రహ్మన్న వామపక్ష భావాజాలానికి ఆవకేశతులై సీఐటీయూ రంగంలో కీలక శక్తిగా ఎదిగారు. ఎర్రజెండా నాయకత్వంలోనే సమస్యల పరిష్కారం అవుతాయని నమ్మిన బ్రాహ్మణ 1999 నుండి సీఐటీయూ పనిచేస్తూ వస్తున్నారు. ఈ మధ్యకాలంలో తీవ్ర అనారోగ్యంతో బాధపడుతూ.. పరిస్థితి విషమించడంతో తుది శ్వాస విడిచారు. ఆయన మరణం పట్ల కార్మిక వర్గం శోకసంద్రమైంది. సీపీఐ(ఎం) రాష్ట్ర కార్యదర్శి జాన్ వెస్లీ, రాష్ట్ర కార్యదర్శి వర్గ సభ్యులు చుక్క రాములు, పాలడుగు భాస్కర్, జిల్లా కార్యదర్శి పి యాదయ్య, సిఐటీయూ, ఇతర కార్మిక సంఘాల నేతలు సంతాపం తెలిపారు. ఆయన భౌతికకాయంపై పుష్పకృత్యాలు చేసి శ్రద్ధాంజలి ఘటించారు. ఆయన త్యాగాలను కొనియాడారు.
సుదీర్ఘ కాలం సీఐటీయూ రంగంలో..
2000 సంవత్సరం నుంచి బ్రహ్మన్న సీఐటీయూ రంగంలో కీలక భూమిక పోషించారు. బ్రహ్మన్న జీవితం కార్మిక వర్గానికి అంకితం చేశాడు.2000 సముద్రంలో యాచారం సీపీఐఎం శాఖ కార్యదర్శిగా బాధ్యతలు నిర్వహించారు. సీఐటీయూ యాచారం మండలం కార్యదర్శిగా, జిల్లా కమిటీ సభ్యుడిగా పని చేశారు. సీపీఐఎం యాచారం మండల కార్సయదర్శిగా పని చేశారు. నియోజకవర్గంలో ఇబ్రహీంపట్నం, మంచాల, యాచారం మండలాల్లోని అన్ని గ్రామాలు బైక్ యాత్రలు చేసి గ్రామపంచాయతీ కార్మికుల సమస్యల పరిష్కారానికి పెద్ద ఎత్తున కార్మిక రంగాన్ని సమీకరించారు.
జెడ్పీటీసీ అభ్యర్థిగా..
యాచారం మండలంలో పార్టీ బలోపేతం చేయడంలో బ్రహ్మన్న కీలకపాత్ర పోషించారు. 2013లో జరిగిన పంచాయతీ ఎన్నికల్లో యాచారం బీసీ మహిళకు రిజర్వు కావడంతో ఆయన సతీమణి పెండ్యాల రాజేశ్వరిని యాచారం సీపీఐఎం బలపరిచిన సర్పంచ్ అభ్యర్థిగా బరిలో నిలిపారు. ప్రధాన పార్టీల అభ్యర్థులకు గట్టి పోటీ ఇచ్చారు. అదే సంవత్సరం మండల, జిల్లా పరిషత్తుకు జరిగిన ఎన్నికల్లో యాచారం జెడ్పిటిసిగా బ్రహ్మయ్య సీపీఐఎం అభ్యర్థిగా పోటీ చేశారు. అధికారం బీఆర్ఎస్, కాంగ్రెస్ పార్టీలకు గట్టి పోటీ ఇచ్చారు. ఇటీవల జరిగిన సిఐటీయూ జిల్లా మహాసభల్లో ప్రధాన బాధ్యతలనుంచి తగ్గారు.
కార్మిక వర్గంలో పనిచేస్తున్న బ్రహ్మన్న ప్రజా కళల పట్ల అమితమైన అభిమానం, మక్కువ చూపేవారు. కార్మికులు ఎదుర్కొంటున్న సమస్యల పరిష్కారం కోసం ఉద్యమాలు నిర్వహించడమే కాకుండా కళారూపాల ద్వారా మరింత చైతన్య మందులు చేయాలని సంకల్పించారు ఈ కోవలోనే ఆయన రచయితగా మారారు అనేక పాటలు రాసి కార్మిక వర్గంలో తనదైన ముద్ర వేసుకున్నారు. ప్రజానాట్యమండలి కళాకారులకు తన పాటలను రచనల ద్వారా అందిస్తూ మరింత ప్రోత్సహించేవారు.
బ్రహ్మన్న పాడే మోసిన జాన్ వెస్లీ
కార్మిక వర్గ పక్షపాతి సీపీఐ(ఎం) నాయకులు పెండ్యాల బ్రహ్మన్న మృతి పట్ల సిపిఎం రాష్ట్ర కార్యదర్శి జాన్ వెస్లీ సంతాపం వ్యక్తం చేశారు. తన స్వగ్రామమైన గాండ్లగూడలో ఆదివారం జరిగిన బ్రాహ్మన్న అంత్యక్రియలో పాల్గొన్నారు. సీపీఐ(ఎం) జిల్లా కార్యదర్శి పి యాదయ్య, రాష్ట్ర కమిటీ సభ్యులు భూపాల్ తో కలిసి బ్రహ్మన్న భౌతికకాయంపై ఎర్రజెండా కప్పి పుష్ప గుచ్చాలతో శ్రద్ధాంజలి ఘటించారు. అనంతరం బ్రహ్మన్న పాడేను సిపిఎం జిల్లా కార్యదర్శి పి యాదయ్య తో కలిసి మోశారు. బ్రహ్మన్న మరణం పట్ల దిగ్బంతి వ్యక్తం చేశారు.
