ఆవును చంపిన పులి.. యజమానికి నష్ట పరిహారం అందజేత

నవతెలంగాణ – జన్నారం
జన్నారం అటవీ డివిజన్ పరిధిలోని ఇందన్ పళ్లి నార్త్ బీట్లో ఈనెల 26న పులి ఒక ఆవును చంపింది. స్పందించిన అటవీ అధికారులు ఆ ఆవు యజమాని కుచారి శ్రావణ్ రావు రూ.25వేల నష్టపరిహారం ప్రొసీడింగ్ కాపీని జన్నారం ఎఫ్డిఓ రామ్మోహన్ ఆదేశాల మేరకు ఇందన్ పళ్లి రేంజ్ కార్యాలయంలో ఎఫ్ ఆర్ ఓ లక్ష్మీనారాయణ   అందించారు. ఈ సందర్భంగా వారు మాట్లాడుతూ.. సమీపంలోని గ్రామ ప్రజలు అప్రమత్తంగా ఉండాలన్నారు. ఒకరు ,ఇద్దరు తిరుగవద్దని, పశువుల కాపరులు అడవిలోకి వెళ్లవద్దని, ప్రజలు భయబ్రాంతులకు గురికావద్దని తెలిపారు. వేట కోసం కరెంటు వైర్లు, ఉచ్చులు, ఊర్లు పెట్టితే కఠిన చర్యలు తీసుకుంటామని హెచ్చరించారు. అటవీ ప్రాంతంలో ఎవరికైనా పులి కనిపిస్తే ఆ సమాచారాన్ని అటవీ అధికారులకు అందించాలని కోరారు. ఈ కార్యక్రమంలో ఎఫ్ఎస్ఓ లు రవి ,హన్మంతరావు, ఎఫ్బిఓ లు శ్రీనివాస్, తన్వీర్ పాషా బేస్ కాంప్ సిబ్బంది పాల్గొన్నారు.