ఫీల్‌గుడ్‌ సాంగ్‌గా ‘వారెవా.. వారెవా..’

అఖిల్‌ అక్కినేని హీరోగా మనం ఎంటర్‌ప్రైజెస్‌ ఎల్‌ఎల్‌పి, సితార ఎంటర్‌టైన్‌మెంట్స్‌ పతాకాలపై మురళీకిషోర్‌ అబ్బూరు దర్శకత్వంలో రూపొందుతున్న చిత్రం ‘లెనిన్‌’. అక్కినేని నాగార్జున, సూర్యదేవర నాగవంశీ నిర్మిస్తున్నారు. ఈ సినిమా నుంచి సోమవారం ‘వారెవా..వారెవా..’ అంటూ సాగే లిరికల్‌ సాంగ్‌ను విడుదల చేశారు. ఈ పాటకు అభిమానులు, మ్యూజిక్‌ లవర్స్‌ నుంచి మంచి రెస్పాన్స్‌ వస్తోంది. ఈ పాటను అనంత శ్రీరామ్‌ రాయగా, శ్వేతా మోహన్‌, జుబిన్‌ నౌటియాల్‌ తమ వాయిస్‌తో పాటకు ఓ ఎమోషనల్‌ ఫీల్‌ను తీసుకొచ్చారు. తమన్‌ సంగీత సారథ్యం వహిస్తున్న ఈ చిత్రంలోని ఈ పాట రొమాంటిక్‌ ఫీల్‌ను కలిగిస్తోంది. సినిమాలోని భావోద్వేగాలను చక్కగా ప్రతిబింబిస్తూ, హీరో, హీరోయిన్‌ మధ్య కెమిస్ట్రీని హైలెట్‌ చేసేలా పాట ఉంది. శర వేగంగా షూటింగ్‌ను పూర్తి చేసుకుంటున్న ఈ సినిమా ఇప్పటివరకు 70 శాతం చిత్రీకరణను పూర్తి చేసుకుంది. సమ్మర్‌లో రిలీజ్‌ చేసేందుకు సన్నాహాలు చేస్తున్నాం అని మేకర్స్‌ తెలిపారు. భాగ్యశ్రీ బోర్సే కథానాయికగా నటిస్తోంది.