ఎమ్మెల్యే యశస్విని రెడ్డి
కాంగ్రెస్ పార్టీలో పలువురి చేరికలు, కండువాలు కప్పి స్వాగతించిన ఎమ్మెల్యే యశస్విని రెడ్డి, టిపిసిసి ఉపాధ్యక్షురాలు ఝాన్సీ రెడ్డి
నవతెలంగాణ – పాలకుర్తి
కార్యకర్తలను కంటికి రెప్పలా కాపాడుకుంటూ పార్టీలో సముచిత స్థానం కల్పిస్తామని ఎమ్మెల్యే మామిడాల యశస్విని రెడ్డి, టిపిసిసి ఉపాధ్యక్షురాలు హనుమండ్ల ఝాన్సీ రెడ్డిలు అన్నారు. దేవరుప్పుల మండలం లక్ష్మణ్ తండా క చెందిన 15 కుటుంబాలు, తొర్రూరు మండలం గోపాలగిరి, హచ్చు తండాకు చెందిన బిఆర్ఎస్, బిజెపి కార్యకర్తలు ఆయా పార్టీలకు రాజీనామా చేసి కాంగ్రెస్ పార్టీలో చేరడంతో శనివారం మండల కేంద్రంలో గల ఎమ్మెల్యే క్యాంపు కార్యాలయంలో ఎమ్మెల్యే యశస్విని రెడ్డి, టిపిసిసి ఉపాధ్యక్షురాలు ఝాన్సీ రెడ్డిలు కాంగ్రెస్ పార్టీ కండువాలు కప్పి పార్టీలోకి ఆహ్వానించారు. ఈ సందర్భంగా వారు మాట్లాడుతూ రాష్ట్రంలో కాంగ్రెస్ ప్రజా ప్రభుత్వం అమలు చేస్తున్న అభివృద్ధి, సంక్షేమ పథకాలకు ప్రజలు ఆకర్షితులై కాంగ్రెస్ పార్టీలో చేరుచున్నారని తెలిపారు.
కాంగ్రెస్ పార్టీలో చేరిన కార్యకర్తలు అందరిని కంటికి రెప్పలా కాపాడుకుంటూ అభివృద్ధి సంక్షేమ పథకాలను అందించడంలో ప్రాధాన్యత కల్పిస్తామని తెలిపారు. బిఆర్ఎస్ నాయకుల మోసపూరిత హామీలతో విసుగు చెంది ప్రజలు కాంగ్రెస్ పార్టీ వైపు చూస్తున్నారని తెలిపారు. స్థానిక సంస్థల ఎన్నికల్లో కాంగ్రెస్ పార్టీ అభ్యర్థులను అత్యధిక మెజారిటీతో గెలిపించాలని పిలుపునిచ్చారు.
స్థానిక సంస్థల ఎన్నికల ఫలితాలతో బిఆర్ఎస్ పార్టీ నామరూపాలు లేకుండా పోతుందని జోష్యం చెప్పారు. గ్రామాల అభివృద్ధి కాంగ్రెస్ పార్టీకే సాధ్యమని, కాంగ్రెస్ పార్టీ అభ్యర్థులను గెలిపించుకొని అభివృద్ధి, సంక్షేమ పథకాలు పొందాలని, గ్రామాలను అభివృద్ధి చేసుకోవాలని సూచించారు. మాయల మరాఠీల మాటలను నమ్మే ప్రజలు మోసపోవద్దని తెలిపారు. ప్రజా ప్రభుత్వం అమలు చేస్తున్న సంక్షేమ పథకాలన్నీ ప్రజలకు అందుచున్నాయని అన్నారు. ఈ కార్యక్రమంలో కాంగ్రెస్ పార్టీ సీనియర్ నాయకులు, ఉమ్మడి వరంగల్ జిల్లా జడ్పీ ఫ్లోర్ లీడర్ నెమరుగొమ్ముల ప్రవీణ్ రావు, దేవరుప్పుల మండల పార్టీ అధ్యక్షుడు నల్ల శ్రీరాములు, మాజీ ఉపసర్పంచ్ బానోతు బిక్షపతి నాయక్ లతోపాటు కార్యకర్తలు పాల్గొన్నారు.
