12 అడుగుల ట్రంప్‌ బంగారు విగ్రహాం..ఎక్క‌డ ఉందంటే..?

న‌వ‌తెలంగాణ‌-హైద‌రాబాద్‌: అమెరికా అధ్యక్షుడు డొనాల్డ్‌ ట్రంప్‌ బంగారు విగ్రహాన్ని అమెరికా క్యాపిటల్‌ భవనం ఎదురుగా ఏర్పాటు చేశారు. 12 అడుగులు ఉన్న ఈ విగ్రహం.. ట్రంప్‌ బిట్‌కాయిన్‌ను పట్టుకుని ఉన్నట్లు రూపొందించారు. క్రిప్టోకరెన్సీ పెట్టుబడిదారులు ఈ విగ్రహం ఏర్పాటుకు నిధులు సమకూర్చినట్లు మీడియా కథనాలు వెల్లడిస్తున్నాయి. డిజిటల్‌ కరెన్సీ భవిష్యత్తు, ద్రవ్య విధానం, ఆర్థిక మార్కెట్‌లో ఫెడరల్‌ ప్రభుత్వ విధానాల గురించి చర్చించుకునేలా చేసేందుకే దీన్ని ఏర్పాటు చేశామని నిర్వాహకులు చెప్పినట్లు సమాచారం. ఈ విగ్రహానికి సంబంధించిన ఫొటోలు, వీడియోలు సామాజిక మాధ్యమాల్లో వైరల్‌ అవుతున్నాయి. కొంతమంది దీనిపై సానుకూలంగా స్పందించగా.. మరికొందరు విమర్శలు చేస్తున్నారు.