విద్యార్థికి యంగ్ సైంటిస్ట్ అవార్డు 

నవతెలంగాణ – బల్మూరు 
మండల కేంద్రం లోని పీఎం శ్రీ జిల్లా పరిషత్ ఉన్నత పాఠశాల లో చదువుతున్న గగన్ చంద్ర అనే విద్యార్థికి యంగ్ సైంటిస్ట్ అవార్డు కు ఎంపికయ్యాడు. జాతీయ సైన్స్ ఫెయిర్ ప్రదర్శనలో గత నెలలో భోపాల్ లో నిర్వహించిన సైన్స్ ప్రదర్శనలో త్రీ ఇన్ వన్ సైకిల్ రూపొందించగా ఇందుకుగాను సైన్స్ ఫెయిర్ లో జాతీయస్థాయి అవార్డు వచ్చిందని పాఠశాల ప్రధానోపాధ్యాయులు నరేందర్ రెడ్డి తెలిపారు. త్రీ ఇన్ వన్ సైకిల్ ప్రత్యేకత విద్యుత్ చార్జీ బ్యాటరీతో మరియు సోలార్ ఎనర్జీతో మరియు సైకిళ్ల తొక్కుతూ కూడా నడపడం ఈ యొక్క సైకిల్ ప్రత్యేకత అని తెలిపారు. జాతీయస్థాయిలో ఎంపికైనందుకుగాను శనివారం మండల కేంద్రంలో అభినందన ర్యాలీ ఊరేగింపుగా నిర్వహించడం జరిగిందని తెలిపారు. అనంతరం పాఠశాలలో ఏర్పాటుచేసిన విద్యార్థుల సమావేశంలో పలువురు గ్రామస్తులు విద్యావంతులు పాల్గొని ప్రసంగించారు. ఈ కార్యక్రమంలో ఎస్సై రాజేందర్ గ్రామస్తులు విద్యార్థులు పాల్గొన్నారు.