నవతెలంగాణ – హైద‌రాబాద్: జూలై 15 నుంచి కొత్త రూల్స్ అమల్లోకి వస్తాయని యూట్యూబ్ కంపెనీ స్పష్టం చేసింది. కాగా చాలా కాలంగా తీవ్రమైన సమస్యను ఎదుర్కొంటోంది. AI సహాయంతో సృష్టించబడిన నాణ్యత లేని కంటెంట్, స్పామ్ వీడియోలతో తీవ్ర ఇబ్బందులు ఎదుర్కుంటోంది. ఈ వీడియోలు ప్లాట్‌ఫామ్ నాణ్యతను తగ్గించడమే కాకుండా.. ఒరిజినల్ సృష్టికర్తల ఆదాయాలను కూడా ప్రభావితం చేస్తున్నాయి. ఇప్పుడు యూట్యూబ్ అటువంటి కంటెంట్‌పై కఠిన చర్యలు తీసుకోవాలని నిర్ణయించింది.
తాజా రూల్స్ ప్రకారం..
కాపీ చేసిన కంటెంట్ ఎడిట్ చేసి పోస్ట్ చేయాలనుకుంటే అనుమతి ఇవ్వదు. ఒకే వీడియోను ఎక్కువసార్లు అప్లోడ్ చేయలేరు. టెంప్లెట్, రోబోటిక్ వాయిస్లతో చేసిన వీడియోలకు అనుమతి లేదు. తప్పుడు సమాచారం, ఎంటర్టైన్మెంట్ లేని వీడియోలు అనుమతించదు. ఫేస్ చూపించకుండా స్పామ్ కంటెంట్ చేస్తోన్న చానెల్స్కు అనుమతి ఉండదు. ఇకపోతే ఏఐ జనరేటెడ్ వీడియోలు చేయొచ్చు. కానీ ఏఏ ఎఫెక్ట్స్ వాడొచ్చు? ఎప్పుడు ఎఫెక్ట్ పడదు అనేది ఇంకా క్లారిటీ లేదు. మొత్తానికి ఈ రూల్స్ మాత్రం ఈ నెలలో అమలు అయ్యే అవకాశం ఉంది. ఎల్లుండి (జులై 15) నుంచి కొత్త కంటెంట్కు ప్రాధాన్యత ఇవ్వనుంది. కొత్త విషయం చెప్పే వీడియోలు, ఎడ్యుకేషన్, క్రియేటివిటీ, ఎంటర్టైన్మెంట్ వంటి అంశాలను మాత్రమే అనుమతిస్తుంది. కంటెంట్ స్పెషల్గా, ఉపయోగకరంగా ఉంటేనే యూట్యూబ్ నుంచి డబ్బులు సంపాదించొచ్చు.
గూగుల్ ఏఐ మోడ్: ఇప్పటికే ఆర్టిఫిషియల్ ఇంటెలిజెన్స్ అన్ని రంగాల్లో దూసుకెళ్తోంది. ఈ క్రమంలో గూగుల్ మరో సరికొత్త టూల్ పరిచయం చేసింది. అది కూడా మనకోసం.. అవును! భారతీయ యూజర్ల కోసం గూగుల్ కొత్త ఏఐ మోడ్ టూల్ తీసుకొచ్చింది. ఈ ఏఐ మోడ్ ఇన్ సెర్చ్ను గూగుల్ సెర్చ్ ఇంజిన్లో కలిపేసింది. యూజర్లు అడిగిన ప్రశ్నలకు సెర్చ్ రిజల్ట్స్ డీటెయిల్డ్ ఆన్సర్స్ ఇస్తుంది. ఈ టూల్ని ఈ ఏడాది మొదట్లో అమెరికాలో లాంచ్ చేసింది గూగుల్. తర్వాత పోయిన నెలలో సెర్చ్ ల్యాబ్స్ ద్వారా భారత్లో కూడా అందుబాటులోకి తెచ్చింది. ప్రస్తుతం ఈ ఇంగ్లిష్ వెర్షన్లో మాత్రమే ఉంది. ఇది ఎలా పనిచేస్తుందంటే.. ప్రశ్న ఎలా అడిగినా, కంటెంట్ని లోతుగా విశ్లేషించి వివరణాత్మకమైన సమాధానాలు ఇస్తుంది.
గూగుల్ జెమిని 2.5 మోడల్ వెర్షన్ ద్వారా ఇది పనిచేస్తుంది. అడిగిన ప్రశ్నకు వెబ్ మొత్తం సమాచారాన్ని సేకరిస్తూనే ఉప–ప్రశ్నలుగా డివైడ్ చేస్తుంది. తర్వాత సమాధానం ఇస్తుంది. అవసరమైన లింక్లు, ఇతర ప్రశ్నలతో మరింత సెర్చ్ చేసేందుకు ఆప్షన్లను అందిస్తుంది. దీన్ని వాడేందుకు టెక్స్ట్‌ టైపింగ్ లేదా వాయిస్ ఇన్పుట్ ఇవ్వొచ్చు. గూగుల్ లెన్స్ ద్వారా ఫొటోలను అప్లోడ్ చేయొచ్చు. నార్మల్ సెర్చ్ రిజల్ట్స్ కంటే ఎక్కువే కంటెంట్ ఇస్తుంది. ఈ ఫీచర్ ‘క్వెరీ ఫ్యాన్ అవుట్’ అనే టెక్నిక్ ఆధారంగా పనిచేస్తుంది. గూగుల్ సిస్టమ్ ఒక ప్రశ్నను డివైడ్ చేస్తుంది. తద్వారా మల్టీ సెర్చ్ చేయొచ్చు.
