శ్రీమతి ఉష శ్రీ సమర్పణలో శ్రీ దత్తాత్రేయ క్రియేషన్స్‌ బ్యానర్‌ పై నిర్మితమవుతున్న చిత్రం ‘మిస్టర్‌ కళ్యాణ్‌’. ఫ్యామిలీ, లవ్‌, యూత్‌ఫుల్‌ ఎంటర్‌టైనర్‌గా తెరకెక్కిన ఈ చిత్రంలో మాన్యం కష్ణ, అర్చన హీరో, హీరోయిన్‌గా నటించారు. ఈ సినిమాతో పండు దర్శకుడిగా పరిచయం అవుతున్నారు. నిర్మాత ఎన్‌.వి.సుబ్బారెడ్డి ఖర్చుకు ఎక్కడా వెనకాడకుండా ఈ సినిమాను నిర్మించారు. సప్తగిరి, ధనరాజ్‌, తాగుబోతు రమేష్‌ ముఖ్య పాత్రల్లో నటించిన ఈ సినిమా చిత్రీకరణ వైజాగ్‌, హైదరాబాద్‌ ప్రాంతాల్లో జరిగింది. అలాగే లడక్‌లోని అందమైన లొకేషన్స్‌లో ఈ సినిమాలోని ఓ ప్రత్యేక పాటను షూట్‌ చేశారు. తాజాగా ఈచిత్ర ట్రైలర్‌ను ‘ధమాకా’ దర్శకుడు త్రినాథ్‌ నక్కిన విడుదల చేశారు. ఈ సందర్భంగా ఆయన మాట్లాడుతూ, ‘ఈ సినిమా ట్రైలర్‌ చాలా బాగుంది. మేకింగ్‌, లొకేషన్స్‌, డైలాగ్స్‌ అన్నీ బాగున్నాయి. అందరూ ఆర్టిస్ట్స్‌లు బాగా చేశారు. దర్శకుడు పండుకు, అలాగే నిర్మాత సుబ్బారెడ్డికి ఈ సినిమా మంచి విజయం సాధించి, వారు మరిన్ని మంచి సినిమాలు చేయాలని కోరుకుంటున్నాను’ అని తెలిపారు. ఈ చిత్రానికి సంగీతం: సుక్కు, సినిమాటోగ్రఫీ: నానాజీ. ఎంవి.గోపి, ఎడిటర్‌: వినోద్‌ అద్వరు, డాన్స్‌: అనీష్‌, ఫైట్స్‌: మల్లేష్‌.
