హరిబాబు దాసరి నిర్మాతగా, అఖిల్‌ అండ్‌ నిఖిల్‌ సమర్పణలో సుప్రియ ఎంటర్‌టైన్‌మెంట్స్‌ పతాకంపై నాగరాజు బోడెం దర్శకత్వంలో రూపొందిన యూత్‌ ఫుల్‌, కుటుంబ కథా చిత్రం ’14 డేస్‌ లవ్‌’. మనోజ్‌ పుట్టూర్‌, చాందిని భాగవని హీరో, హీరోయిన్లుగా నటించిన ఈ చిత్రంలో రాజా రవీంద్ర, సనా సునూర్‌, అంజలి ఐడ్రీమ్‌, రాజా శ్రీధర్‌ తదితరులు ముఖ్య పాత్రల్లో నటించారు. కుటుంబ విలువల్ని కాపాడే ప్రయత్నంలో ఓ ఇంటి వారసులు ఎదుర్కొన్న సమస్యలు ఏంటి?, వారి మధ్య చిగురించిన ప్రేమకు ఎలాంటి ముగింపు దొరికింది అనే కోణంలో దర్శకుడు నాగరాజు బోడెం అత్యంత ఆసక్తికరంగా ఈ చిత్రాన్ని తెరకెక్కించారు. సంప్రదాయ విలువలున్న ఈ చిత్రం జనవరి 5న విడుదలకు సిద్దంగా ఉంది అని చిత్ర బృందం తెలిపింది.
