చిరంజీవి, మెహర్‌ రమేష్‌ కాంబినేషన్‌లో వస్తున్న మొదటి సినిమా ‘భోళా శంకర్‌’. ఏకే ఎంటర్‌టైన్‌ మెంట్స్‌ పతాకంపై రామబ్రహ్మం సుంకర అత్యంత ప్రతిష్టాత్మకంగా నిర్మిస్తున్న యాక్షన్‌ ఎంటర్‌టైనర్‌ ఇది. ఈ చిత్ర టీజర్‌ ఈనెల 24న రిలీజ్‌ కానుంది. ఈ సందర్భంగా విడుదల చేసిన చిరంజీవి కొత్త స్టైల్‌ పోస్టర్‌ అందర్నీ అలరిస్తోంది. ‘ఇటీవల భోళా మ్యూజిక్‌ మానియా మొదలైంది. సినిమాలో మొదటి పాట విడుదల చేయగా ఫెంటాస్టిక్‌ రెస్పాన్స్‌ అందుకుంది. ఈ సాంగ్‌ యూట్యూబ్‌, ఆడియో ప్లాట్‌ఫార్మ్స్‌లో ట్రెండ్‌ అయ్యింది. మెగాస్టార్‌ డ్యాన్స్‌, గ్రేస్‌కి తగ్గట్టు మహతి స్వర సాగర్‌ ఎనర్జిటిక్‌ డ్యాన్స్‌ ట్యూన్‌ అందించారు. లిరికల్‌ వీడియోలో కొన్ని స్టెప్స్‌ మాత్రమే చూపించినా, అవి కూడా వైరల్‌ అయ్యాయి. అలాగే చిరంజీవి లీక్‌ చేసిన సంగీత్‌ సాంగ్‌ విజువల్స్‌ ఆడియన్స్‌ను ఎట్ట్రాక్ట్‌ చేశాయి. సినిమా నుంచి విడుదల చేసిన ప్రతి పోస్టర్‌ ఆడియన్స్‌, అభిమానుల్లో సినిమాపై హైప్‌ పెంచింది’ అని చిత్ర యూనిట్‌ తెలిపింది. అనిల్‌ సుంకర ఎకె ఎంటర్‌టైన్‌మెంట్స్‌ నిర్మిస్తున్న ఈ చిత్రంలో తమన్నా కథానాయికగా నటిస్తుండగా, చిరంజీవి సిస్టర్‌గా కీర్తి సురేష్‌ కనిపించనుంది. సుశాంత్‌ లవర్‌ బారుగా మెరవబోతున్న ఈ చిత్రాన్ని ఆగస్టు 11న ప్రపంచ వ్యాప్తంగా గ్రాండ్‌గా రిలీజ్‌ చేసేందుకు మేకర్స్‌ సన్నాహాలు చేస్తున్నారు. ఈచిత్రానికి స్క్రీన్‌ ప్లే, దర్శకత్వం: మెహర్‌ రమేష్‌, నిర్మాత: రామబ్రహ్మం సుంకర, డీవోపీ: డడ్లీ, ఎడిటర్‌: మార్తాండ్‌ కె వెంకటేష్‌, ప్రొడక్షన్‌ డిజైనర్‌: ఏఎస్‌ ప్రకాష్‌, కథా పర్యవేక్షణ: సత్యానంద్‌, డైలాగ్స్‌: తిరుపతి మామిడాల, ఫైట్‌ మాస్టర్స్‌: రామ్‌-లక్ష్మణ్‌, దిలీప్‌ సుబ్బరాయన్‌, కాచే కంపాక్డీ, కొరియోగ్రఫీ: శేఖర్‌ మాస్టర్‌.
