నవతెలంగాణ – కరీంనగర్
పర్యావరణ హితమైన ఎలక్ట్రికల్ బస్సులు కరీంనగర్ జిల్లా కేంద్రం నుంచి అతి త్వరలో అందుబాటులోకి రానున్నాయని, కరీంనగర్ రీజియన్కు పలు రూట్లలో మొత్తం 70 బస్సులు కేటాయించినట్టు కరీంనగర్ రీజియన్ రీజనల్ మేనేజర్ ఎన్.సుచరిత తెలిపారు. కరీంనగర్-జేబీఎస్ 33, కరీంనగర్ జేబీఎస్ 6, కరీంనగర్-గోదావరిఖని 9, కరీంనగర్-మంథని 4, కరీంనగర్-కామారెడ్డి 6, కరీంనగర్-జగిత్యాల 6, కరీంనగర్-సిరిసిల్ల (నాన్స్టాఫ్) 6 మొత్తం 70 బస్సులు కేటాయించినట్లు తెలిపారు. ఇందులో తొలి విడతగా 33 సూపర్ లగ్జరీ బస్సులు అందుబాటులోకి రానున్నాయని అన్నారు. ఈ 33 బస్సులు కరీంనగర్-హైదరాబాద్ రూట్లో అద్దె ప్రాతిపదికన (జీసీసీ-గ్రాస్ కాస్ట్ కాంట్రాక్టు) నడపబడతాయని, వీటి పర్యవేక్షణ, ఆపరేషన్స్ మొత్తం ఆర్టీసీయే చూసుకుంటుందన్నారు. ప్రస్తుతం వీటికి సంబంధించి అవసరమైన మౌలిక వసతుల ఏర్పాట్లలో భాగంగా ఎలక్ట్రికల్ పనులు కొనసాగుతున్నాయని చెప్పారు. మౌలిక వసతుల ఏర్పాటు ప్రక్రియ పూర్తయిన తర్వాత అతి త్వరలో ఈ ఎలక్ట్రికల్ సూపర్ లగ్జరీ బస్సులు రోడ్డెక్కనున్నాయని తెలిపారు.
Related posts:
కళాశాలలకు దసరా సెలవులు ఎన్నిరోజులంటే?
Vinay Bhaskar: పాదయాత్ర పేరుతో బండి సంజయ్ ప్రజలను రెచ్చగొడుతున్నారు.
ఎంపీ దత్తత గ్రామంగా నర్సింహుల పల్లి
క్రీడాకారులకు బహుమతులు అందజేస్తున్న సర్పంచ్ పుట్ట వెంకటమ్మ రామయ్య
ధాన్యంను వెంటనే కొనుగోలు చేయాలని రోడ్డెక్కి ధర్నా చేస్తున్న రైతులు
సమావేశంలో మాట్లాడుతున్న కాంగ్రెస్ మండల అధ్యక్షులు రాజేష్