వైవిధ్యమైన ప్రేమకథ

వైవిధ్యమైన ప్రేమకథనవదీప్‌ కొంత విరామం తరువాత హీరోగా, సరికొత్తగా నవదీప్‌ గా 2.0గా కనిపించబోతున్న చిత్రం ‘లవ్‌ మౌళి’. విభిన్నమైన ఈ చిత్రానికి అవనీంద్ర దర్శకుడు. ఈ చిత్రాన్ని నైరా క్రియేషన్స్‌, శ్రీకర స్టూడియోస్‌ బ్యానర్స్‌తో కలిసి నిర్మాణ పనులకు, టాలీవుడ్‌ టాలెంటెడ్‌ టెక్నీషియన్స్‌కి అడ్డాగా మారిన సి స్పేస్‌ బాధ్యతలు తీసుకుంది. తాజాగా ఈ చిత్రాన్ని ఈనెల 19న విడుదల చేస్తున్నట్లు ప్రకటించింది చిత్రయూనిట్‌. ఈ సందర్భంగా దర్శకుడు మాట్లాడుతూ, ‘ఈ చిత్రంలో చాలా డిఫరెంట్‌గా నవదీప్‌ కనిపించడంతో ఈ సినిమా నవదీప్‌ 2.0గా అభిమానులంతా ఒక ఢిఫరెంట్‌ కాన్నెప్ట్‌తో ఉంటుందని మంచి అంచనాలతో ఈ సినిమా గురించి ఎదురుచూస్తున్నారు. లేటెస్ట్‌గా విడుదలైన పాటలను చూస్తుంటే వీరి అంచనాలను మరింత పెంచే విధంగా ఉంది. నా లైఫ్‌లో జరిగిన ప్రేమకథలకు ఫలితమే ఈ సినిమా కథ. నేను పాన్‌ ఇండియా లెవల్‌లో ప్రేమించేవాడ్ని. ప్రేమ అనే టాపిక్‌లో సో మెనీ వేరియేషన్స్‌ ఉన్నాయి. నా స్వీయ అనుభవాలే ఈ సినిమా కథ. ఈ నెల 19న చిత్రాన్ని విడుదల చేస్తున్నాం. విభిన్న ప్రేమకథలు కోరుకునే ప్రేక్షకులందరికి మా లవ్‌, మౌళి మనసులకు హత్తుకుంటుంది’ అని అన్నారు. నవదీప్‌, పంఖురి గిద్వానీ, భావన సాగి, మిర్చి హేమంత్‌, మిర్చి కిరణ్‌ తదితరులు నటిస్తున్న ఈ చిత్రానికి రచన -దర్శకత్వం- సినిమాటోగ్రఫీ -ఎడిటింగ్‌ : అవనీంద్ర, సంగీత దర్శకులు: గోవింద్‌ వసంత, పాటల రచన : అనంత శ్రీరామ్‌, ఆర్ట్‌ : కిరణ్‌ మామిడ.

Spread the love