రణబీర్ కపూర్, సందీప్రెడ్డి వంగా కాంబోలో రూపొందుతున్న పాన్ ఇండియా సినిమా ‘యానిమల్’. పక్కా యాక్షన్ సినిమాగా తెరకెక్కుతున్న ఈ సినిమా హిందీ, తెలుగు, తమిళం, కన్నడ, మలయాళం వంటి 5 భాషల్లో డిసెంబర్ 1న విడుదలకు సిద్ధమవుతోంది. పోస్ట్ ప్రొడక్షన్ పనులు జరుగుతుండగా, సినిమాకు సంబంధించిన ప్రమోషన్ కార్యక్రమాలు జోరుగా సాగుతున్నాయి. ఇందులో భాగంగా ఇప్పటికే రణబీర్ కపూర్ ఫస్ట్లుక్, ప్రీ-టీజర్ను రిలీజ్ చేసిన మేకర్స్ తాజాగా రణబీర్కు జోడిగా నటించిన రష్మిక మందన్న క్యారెక్టర్ పోస్టర్ని విడుదల చేశారు. రష్మికను గీతాంజలిగా పరిచయం చేసిన ఈ ఫస్ట్ లుక్ పోస్టర్ ఆకట్టుకుంది. చీర కట్టులో అందమైన చిరునవ్వుతో మెరిసింది రష్మిక. ఆమె నుదిటిపై బొట్టు మరింత ఆకర్షణను జోడించింది. ‘అర్జున్ రెడ్డి, కబీర్ సింగ్’ లాగానే ఇది కూడా సందీప్ రెడ్డి వంగా మార్క్ అద్భుతమైన ప్రేమకథగా ఉండనుంది. ఈ చిత్ర టీజర్ ఈనెల 28న విడుదల కానుంది.
