– జిల్లా ఎన్నికల అధికారి, కలెక్టర్ డాక్టర్ శరత్
నవతెలంగాణ – పటాన్చెరు
ఎన్నికల కమిషన్ నిబంధనల మేరకు ఓట్ల లెక్కింపు కేంద్రాలలో ఏర్పాట్లకు చర్యలు చేపట్టాలని జిల్లా ఎన్నికల అధికారి కలెక్టర్ డాక్టర్ శరత్ సంబంధిత అధికారులకు సూచించారు. రిటర్నింగ్ అధికారులు, సహాయ రిటర్నింగ్ అధికారులు, ఆర్అండ్బీ, ఎన్నికల విభాగపు సిబ్బంది, అధికారులతో ఆదివారం గీతం యూనివర్సిటీలోని సమావేశ మందిరంలో ఓట్ల లెక్కింపు ప్రక్రియకు సంబంధించి చేయాల్సిన ఏర్పాట్లు, పాటించాల్సిన నిబంధనల గురించి సమీక్ష సమావేశం నిర్వహించారు. ఈ సందర్భంగా కలెక్టర్ మాట్లాడుతూ ఓట్ల లెక్కింపునకు సంబంధించి ఎన్నికల కమిషన్ నిబంధనల మేరకు ఆయా ఏర్పాట్లు చేపట్టాలని, అన్ని విషయాలపై పూర్తి అవగాహన కలిగి ఉండాలన్నారు. ఈసీఐ సూచనల మేరకు కౌంటింగ్ హాల్లో ఏర్పాట్లు చేయాలన్నారు. కేంద్రాల్లోకి అనుమతించడానికి గల నిబంధనలు, కౌంటింగ్ ఏజెంట్ల నియామక నిబంధనలను, అబ్జర్వర్లకు సంబంధించి చేసుకోవాల్సిన ఏర్పాట్లు, రాండ మైజేషన్, పోస్టల్ బ్యాలెట్ కౌంటింగ్ ఎలా చేయాలో, ఆర్ఓల బాధ్యతలు తదితర విషయాలపై కలెక్టర్ వివరించారు. ఓట్ల లెక్కింపు విధులు నిర్వహించే సిబ్బందికి జిల్లా ఎన్నికల అధికారి నుండి గుర్తింపు కార్డులు ఇవ్వాలని, కౌంటింగ్ రూమ్, స్ట్రాంగ్ రూముల వద్ద ఎలా ఉండాలి, సీసీ కెమెరాలు ఏర్పాటు, వీడియోగ్రఫీ చేయడం, రాండ మైజేషన్ ఎప్పు డెప్పుడు చేయాలన్న వాటిపై రిటర్నింగ్ అధికారులకు వివరించారు .కౌంటింగ్ హాల్ కు ఎంట్రీ, ఎగ్జిట్ ఉండా లని రెండు వైపులా గార్డులను ఏర్పాటు చేయాలన్నారు. ఆయా నియోజకవర్గాలకు సంబంధించి వాహన పార్కింగ్ ఏర్పాట్లు చేయాలని, ఓట్ల లెక్కింపు కేంద్రాల్లో విద్యుత్ అంతరాయం కలగకుండా చర్యలు తీసుకోవా లన్నారు. అదేవిధంగా ఇంటర్నెట్ సౌకర్యం ఉండాల న్నారు.ఎన్నికల కమిషన్ నిబంధనల మేరకు కౌంటింగ్ కేంద్రాల్లో కావలసిన వసతులు, ఆయా ఏర్పాట్లు ప్రణాళిక తో చేయాలన్నారు. ఆయా ఏర్పాట్లను రిటర్నింగ్ అధికారులు ముందస్తుగా పరిశీలించుకోవాలన్నారు. ఓట్ల లెక్కింపు నకు సంబంధించి సంబంధిత రిటర్నింగ్ అధికారులు ఎలాంటి పొరపాట్లకు తావివ్వకుండా అన్నింటిపై పూర్తి అవగాహనతో చేయాలన్నారు.ఈనెల 20 లోగా వంద శాతం ఓటరు సమాచార స్లిప్పుల పంపిణీ పూర్తి చేయాలని సూచించారు.అలాగే పి ఓ , ఏ పి ఓ ల శిక్షణలు పూర్తి చేయాలని, సువిధలో అనుమతులను వెంట వెంటనే ఇవ్వాలని, ఎలాంటి జాప్యం చేయరాదని సూచించారు. సమావేశంలో అదనపు కలెక్టర్లు చంద్రశేఖర్, మాధురి డిఆర్ఓ నగేష్, డిప్యూటీ కలెక్టర్ మహిపాల్ రెడ్డి, సంగారెడ్డి, జహీరాబాద్ ఆందోల్, పటాన్ చెరు, నారాయణఖేడ్ రిటర్నింగ్ అధికారులు, సహాయ రిటర్నింగ్ అధికారులు, సర్వే అండ్ ల్యాండ్ రికార్డ్స్ ఏడి అవినాష్ నాయక్ పాల్గొన్నారు.
Related posts:
Tips To Improve General Knowledge: జనరల్ నాలెడ్జ్ పెంచుకోవాలా.. అయితే ఈ చిట్కాలు పాటించండి..
ఉపాధి హామీ పనులను సద్వినియోగం చేసుకోవాలి
స్వాములకు బీక్ష నిర్వహిస్తున్న గ్రామ సర్పంచ్ పర్శారాములు
ఉచిత కంప్యూటర్ శిక్షణను సద్వినియోగం చేసుకోవాలి
సమానత్వానికి నిలువెత్తు నిదర్శనం’సుందరయ్య’
పూర్వ విద్యార్థి కుమార్తె వైద్య చికిత్సకు తోటి విద్యార్థులు ఆర్థిక సాయం