నవతెలంగాణ- విశాఖపట్నం: బ్రిడ్జ్స్టోన్ ఇండియాస్ మొబిలిటీ సోషల్ ఇంపాక్ట్ అవార్డ్స్ 2023 ను తిరుపతికి చెందిన ‘నవజీవన్ ఆర్గనైజేషన్’ దక్కించుకుంది. ఈ అవార్డుల మూడో ఎడిషన్ ప్రదానోత్సవం పూణేలో నిర్వహించారు. మూడు విభాగాలలో ఈ అవార్డుల కింద మొత్తం రూ. 30 లక్షల నగదు బహుమతిని అందించారు. ఈ అవార్డులు మూడు రంగాలకు సంబంధించినవి. ఒకటి హాని కలిగించే సామాజిక సమూహాలు, కమ్యూనిటీల సాధికారతపై దృష్టి పెట్టడం, రెండోది రహదారి భద్రత రంగంలో పని చేయడం, మూడోది వనరులు, అవకాశాలు పెంచడానికి ఉద్దేశించిన కార్యక్రమాలు చేపట్టడం. రోడ్డు భద్రత కేటగిరీ కింద మహారాష్ట్రలోని నిర్మాణ్ బహుదేశీయ వికాస్ సంస్థకు అందజేశారు. పూణేలోని పిల్లలు, డ్రైవర్ కమ్యూనిటీలు, పోలీసులు ట్రాఫిక్ పోలీసులతో సహా వివిధ సమూహాలలో అవగాహన పెంపొందించడం కోసం వారు చేసిన కృషికి గుర్తింపుగా లభించింది. జైపూర్ రాజస్థాన్లో వ్యవసాయ యాంత్రీకరణ ద్వారా జీవనోపాధిని కల్పించడంలో విశిష్ట కృషి చేసిన రాజస్థాన్లోని వికాసోన్ముఖ్ సంస్థాన్ కు దక్కింది. వనరులను పెంచే విభాగంలో అవార్డును అందుకుంది. వ్యవసాయ పద్ధతులు, జీవనోపాధిని మెరుగుపరచడంలో వీరి ప్రయత్నాలు గణనీయంగా దోహదపడ్డాయి. ఆంధ్రప్రదేశ్ లోని తిరుపతిలో గల నవజీవన్ ఆర్గనైజేషన్ బలహీన వర్గాల సాధికారత కోసం మొబిలిటీ విభాగంలో ఈ అవార్డు లభించింది. సఫాయి కర్మచారులు, పారిశుద్ధ్య కార్మికులు, వ్యర్థాలను సేకరించేవారిని ప్రోత్సహించడంలో వారి ప్రయత్నాలకు ఈ అవార్డు దక్కింది. యునైటెడ్ వే ఆఫ్ చెన్నై, తమిళనాడు క్యాన్సర్ స్క్రీనింగ్ కోసం మొబైల్ అంబులెన్స్ సపోర్టును అందించడంపై దృష్టి సారించిన ‘నాలం’ అనే వారి ప్రాజెక్ట్ కోసం మొదటి రన్నరప్ స్థానాన్ని పొందింది. మోవో సోషల్ ఇనిషియేటివ్స్ ఫౌండేషన్ ‘విమెన్ ఇన్ మొబిలిటీ’ మహిళల కోసం ఆటో డ్రైవింగ్ కార్యక్రమం హైదరాబాద్, తెలంగాణ, అహ్మదాబాద్, గుజరాత్కు చెందిన జాన్వికాస్ ట్రస్ట్ డ్రైవర్ బెన్ – ‘ఏక్ నయీ పెహచాన్’ రెండూ “మొబిలిటీ ఫర్ ఎంపవర్మెంట్ విభాగంలో జాయింట్ రన్నరప్గా గుర్తించబడ్డాయి. రత్న నిధి ఛారిటబుల్ ట్రస్ట్ ముంబై, మహారాష్ట్ర అధిక నాణ్యత ప్రోస్తెటిక్ సహాయాలను అందించడంలో వారి చలనశీలత నాణ్యతను పెంపొందించడం ద్వారా వ్యక్తుల జీవితాలను మెరుగుపరచడంలో అత్యుత్తమ ప్రయత్నాలకు జ్యూరీ ప్రత్యేక సిఫార్సుపై అవార్డును అందుకుంది. ఈ సందర్భంగా బ్రిడ్జ్స్టోన్ ఇండియా ఎండీ స్టెఫానో సంచిని మాట్లాడుతూ బ్రిడ్జ్స్టోన్ వ్యూహానికి సుస్థిరత ప్రధానమైనదన్నారు. మా వ్యాపార కార్యకలాపాల ప్రతి భాగంతో ఇది ముడిపడి ఉందన్నారు. ఇది ఉమ్మడి బాధ్యత కూడా అన్నారు. అందరి వాటాదారులతో మాత్రమే సమర్థవంతంగా సాధించబడుతుందని పేర్కొన్నారు. పర్యావరణ వ్యవస్థ భవిష్యత్ తరాలకు విలువను అందించడానికి కలిసి వస్తుందన్నారు. ఈ అవార్డులు చాలా ముఖ్యమైనవన్నారు. స్ఫూర్తిదాయకమైన పనిలో నిమగ్నమై ఉన్న కమ్యూనిటీల జీవన నాణ్యతను సానుకూలంగా ప్రభావితం చేసిన వారి విజయాలను గుర్తించి జరుపుకుంటామని తెలిపారు. జ్యూరీలో అరిందమ్ లాహిరి సీఈవో ఆటోమోటివ్ స్కిల్స్ డెవలప్మెంట్ కౌన్సిల్, నేషనల్ అసోసియేషన్ ఫర్ ది బ్లైండ్ డిల్లీలో జనరల్ సెక్రటరీ ప్రశాంత్ రంజన్ వర్మ, డాక్టర్ సుధా కొఠారి, మేనేజింగ్ ట్రస్టీ చైతన్య ఉన్నారు. ఈ కార్యక్రమానికి ముఖ్య అతిథిగా ఒడిశాలోని గ్రామ వికాస్ బోర్డులో పనిచేస్తున్న దలైలామా యూనివర్సల్ రెస్పాన్సిబిలిటీ ఫౌండేషన్ నుంచి గురుకుల్ ఫెలోషిప్ గ్రహీత, బీరెన్ భూత హాజరై అవార్డు గ్రహీతలను సత్కరించారు. గుజరాత్లోని భాషా రీసెర్చ్ అండ్ పబ్లికేషన్ సెంటర్, అస్సాంలోని సెస్టా, కార్పొరేట్లు, ఎన్జీవోలు తదితరులు పాల్గొన్నారు.
