బాలకష్ణ, డైరెక్టర్‌ అనిల్‌ రావిపూడి కాంబినేషన్‌లో రూపొందుతున్న యాక్షన్‌ ఎంటర్‌టైనర్‌ ‘భగవంత్‌ కేసరి’. ఈ సినిమా షూటింగ్‌ పూర్తయింది. ఈ నేపథ్యంలో ఈ సినిమా ప్రయాణాన్ని మేకర్స్‌ ఒక క్లిప్‌లో చూపించారు. పూజా కార్యక్రమం నుంచి నిర్మాణ పనులకు సంబంధించిన కీలకమైన వివరాలను ఈ వీడియోలో పొందుపరిచారు. ‘ప్యాషనేట్‌ టీమ్‌ 8 నెలల పాటు తీవ్రంగా శ్రమించారు. 24 అద్భుతమైన ప్రదేశాలలో, 12 మాసివ్‌ సెట్లలో షూటింగ్‌ జరిగింది. బాలకష్ణ కొన్ని పవర్‌ ప్యాక్డ్‌ డైలాగ్‌లు చెబుతున్నట్లు కూడా వీడియోలో ఉంది. ”కలిసి మాట్లాడతా అన్నా కదా, అంతలోనే మందిని పంపాలా… గ్రౌండ్‌ ఫ్లోర్‌ బలిసిందా బే…’ అంటూ గూండాలను హెచ్చరించారు. బాలకష్ణ చెప్పిన చివరి డైలాగ్‌ ‘బ్రో… ఐ డోంట్‌ కేర్‌’ తన మొండి స్వభావాన్ని తెలియజేస్తుంది. బాలకష్ణను మునుపెన్నడూ చూడని క్యారెక్టర్‌లో దర్శకుడు అనిల్‌ రావిపూడి ప్రెజెంట్‌ చేస్తున్నారు. గెటప్‌ కూడా పూర్తిగా కొత్తగా ఉంది. సాల్ట్‌ అండ్‌ పెప్పర్‌ లుక్‌లో బాలకష్ణ కనిపిస్తారు. తమన్‌ అద్భుతమైన స్కోర్‌ విజువల్స్‌కు బలం చేకూర్చింది. ఇటీవలే గణేష్‌ చతుర్థి వేడుకల్లో సంచలనంగా మారిన ‘గణేష్‌..’ సాంగ్‌తో ఈ సినిమా మ్యూజికల్‌ ప్రమోషన్స్‌ ప్రారంభమయ్యాయి. సాహు గారపాటి, హరీష్‌ పెద్ది నిర్మిస్తున్న ఈ చిత్రంలో బాలకష్ణ సరసన కాజల్‌ అగర్వాల్‌ కథానాయికగా నటిస్తోంది. శ్రీలీల ఓ ప్రధాన పాత్రలో నటిస్తున్న ఈ చిత్రం అక్టోబర్‌ 19న థియేటర్లలోకి రానుందని మేకర్స్‌ మరోసారి స్పష్టం చేశారు’ అని చిత్ర యూనిట్‌ తెలిపింది.
