నవతెలంగాణ-హైదరాబాద్ : కుమురం భీమ్‌ జిల్లా చింతల మానేపల్లి మండల కేంద్రంలో పిచ్చికుక్క హడలెత్తించింది. 15 రోజుల క్రితం పిచ్చికుక్క దూడపై దాడి చేసింది. పాడి రైతు దూడకు టీకా వేయించకుండా నిర్లక్ష్యం చేసి.. గేదె పాలు పట్టించడంతో వారం రోజుల క్రితం దూడ మృతి చెందింది. ఆ గేదెపాలు గ్రామంలోని పలువురికి విక్రయించడంతో ప్రస్తుతం వారంతా భయాందోళనకు గురై వైద్యులను సంప్రదించారు. ఈ విషయం అధికారులకు తెలియడంతో గ్రామ పంచాయతీ కార్యాలయంలో వైద్య శిబిరం ఏర్పాటు చేశారు. ప్రతి ఒక్కరూ టీకాలు తీసుకోవాలని సూచించి గ్రామస్థులకు టీకాలు వేశారు. పాడి రైతు నానయ్యపై చర్యలు తీసుకోవాలని గ్రామస్థులు డిమాండ్‌ చేస్తున్నారు. గ్రామంలోని దాదాపు 300 మంది ఈ గేదె పాలు తాగినట్టు గుర్తించడంతో వారందరికీ శనివారం వ్యాక్సిన్ అందించారు.
Related posts:
మంచిర్యాల జిల్లాలో దారుణం..
తెల్లవారితే పుట్టినరోజు.. గుండెపోటుతో బాలుడి మృతి
నిర్మ‌ల్ జిల్లాకు సీఎం కేసీఆర్ వ‌రాలు..
కేసీఆర్ వల్లే పచ్చదనం పెరిగింది: ఇంద్రక‌ర‌ణ్ రెడ్డి
మంచిర్యాల జిల్లా క‌లెక్ట‌రేట్‌ను ప్రారంభించిన సీఎం కేసీఆర్
వ‌చ్చే ద‌స‌రాకు సింగ‌రేణి కార్మికుల‌కు రూ. 700 కోట్ల బోన‌స్ : సీఎం కేసీఆర్