చండూరు మున్సిపాలిటీ పరిధిలోని అంగడిపేటకు చెందిన మహేశ్వరం సరితకు తెలుగు విశ్వవిద్యాలయం లో పి హెచ్ డీ సీటు రావడం పట్ల చండూరు సాహితీ మేఖల సభ్యులు అభినందనలు తెలిపారు. తెలుగు విశ్వవిద్యాలయం మంగళవారం రాత్రి ఎంపికైన పిహెచ్డి విద్యార్థుల వివరాలతో కూడిన ప్రకటన విడుదల చేసింది. కవిరత్న సాహిత్య శిల్ప సమీక్ష అనే అంశంపై చండూరు సాహితీ మేఖల వ్యవస్థాపకులైన కవిరత్న అంబటిపూడి వెంకటరత్నం జీవితము రచనలపై పరిశోధన చేయనున్నారు. పరిశోధకురాలు మహేశ్వరం సరిత హైదరాబాద్ లోని తెలుగు అకాడమీ ఉద్యోగిని. గతంలో డాక్టరేటు పొందిన ఇడికుడ సచ్చిదానందం కుటుంబంలో ఇదివరకే ఆయన సోదరి, సోదరులు నలుగురు డాక్టరేట్లు పొందగా ఇప్పుడు ఆయన భార్య సరితకు పీహెచ్డీ సీటు లభించడం విశేషం. అభినందనలు తెలిపిన వారిలో చండూరు సాహితీ మేఖల అధ్యక్షులు అంబటిపూడి సుబ్రహ్మణ్య శాస్త్రి, ప్రధాన కార్యదర్శి పున్న అంజయ్య, ప్రధాన వ్యవహర్త మంచుకొండ చిన బిక్షమయ్య, సభ్యులు మద్దోజు సుధీర్ బాబు డా.నిర్మలానంద, డా.చిదానంద, ఎస్.కె మజీద్, డాక్టర్ ఇడికోజు శ్రీనివాసచారి, సభ్యులు ఉన్నారు.

మళ్లీ వచ్చేది బీఆర్ఎస్ ప్రభుత్వమేనని మాజీ మంత్రి సూర్యాపేట ఎమ్మెల్యే గుంటకండ్ల జగదీశ్ రెడ్డి అన్నారు. టిఆర్ఎస్ ఆవిర్భావ దినోత్సవాన్ని పురస్కరించుకొని రజోత్సవ మహాసభ జయప్రదం కావాలని కోరుతూ వలిగొండ మండలం మస్తగిరిగుట్ట వద్ద నుంచి యాదగిరిగుట్ట వరకు టిఆర్ఎస్ యువజన విద్యార్థి విభాగం ఆధ్వర్యంలో మంగళవారం చేపట్టిన పాదయాత్రను జగదీష్ రెడ్డి ప్రారంభించి మాట్లాడారు. ఆనాడు స్వరాష్ట్రం కోసం కెసిఆర్ చర్చలో తెలంగాణ వచ్చుడు అనే నినాదంతో ముందుకెళ్లి తెలంగాణ రాష్ట్రాన్ని సాధించిన ఘనత మాజీ ముఖ్యమంత్రి కేసీఆర్ కే దక్కుతుందన్నారు. రైతును రాజు చేసింది కేసీఆర్ అయితే అన్నదాత వెన్ను విరిచింది కాంగ్రెస్ ప్రభుత్వం అని విమర్శించారు.  కాంగ్రెస్ ఎన్నికల ముందు అనేక హామీలు ఇచ్చిందని, దీంతో ప్రజలు  నమ్మి మోసపోయారని తెలిపారు. సీఎం రేవంత్ రెడ్డి పాలనతో విసుగు చెందిన తెలంగాణ ప్రజలందరూ కేసీఆర్ మళ్ళీ సీఎం కావాలని కోరుతున్నారని పేర్కొన్నారు.  విద్యార్థి యువజన విభాగం టిఆర్ఎస్ రజతోత్సవాల సమయంలో పండు వేసవిని లెక్కచేయకుండా  పాదయాత్ర చేయడం అభినందనీయమన్నారు. వారికి కెసిఆర్ మీద బిఆర్ఎస్ మీద ఉన్న ప్రేమ మనకు అర్థమవుతుందన్నారు.
ఇదే తరహాలో రాష్ట్రస్థాయిలో బిఆర్ఎస్ కార్యకర్తలు నాయకులు పనిచేస్తున్నారని తెలిపారు. ఈనెల 27న వరంగల్లో జరిగే టిఆర్ఎస్ రజోత్సవ సభను చరిత్రలో నిలిచేలా విజయవంతం చేయాలని పార్టీ శ్రేణులకు   పిలుపునిచ్చారు. మాజీ ఎమ్మెల్యే గాదారి కిషోర్ మాట్లాడుతూ ఎన్నికల ముందు కాంగ్రెస్ నాయకులు ఇచ్చిన హామీలను నెరవేర్చలేక పొయ్యారన్నారు . రాష్ట్రంలో రేవంత్ రెడ్డి ప్రభుత్వం ప్రశ్నిస్తే భౌతిక దాడులు చేస్తూ కేసులు నమోదు చేస్తున్నారని ఆరోపించారు. ఈ లంగా దొంగ కాంగ్రెస్ ప్రభుత్వాన్ని తరిమికొరడానికి బీఆర్ఎస్ శ్రేణులు సిద్ధంగా ఉండాలని కోరారు. మాజీ ఎమ్మెల్యే పైళ్ల శేఖర్ రెడ్డి మాట్లాడుతూ రాష్ట్రంలో ప్రజాపాలన పేరుతో ప్రజావ్యతిరేక విధానాల అవలంబిస్తున్న కాంగ్రెస్ ప్రభుత్వాన్ని ప్రజాక్షేత్రంలో ఎండబెట్టడానికి యువత ముందుకు రావాలని కోరారు. ప్రజలందరూ తెలంగాణ రాష్ట్రంలో కేసీఆర్ వైపు చూస్తున్నారని పేర్కొన్నారు. ఈకార్యక్రమంలోటిఆర్ఎస్ జిల్లా అధ్యక్షుడు కంచర్ల రామకృష్ణారెడ్డి, మాజీ ఎమ్మెల్యేలు కూసుకుంట్ల ప్రభాకర్ రెడ్డి బూడిద బిక్షమయ్యగౌడ్,  రాష్ట్ర నాయకులు నాయకులు చింతల వెంకటేశ్వర్ రెడ్డి, గొంగిడి మహేందర్ రెడ్డి, క్యామ మల్లేష్, రైతు సమన్వయ సమితి జిల్లా మాజీ అధ్యక్షులు కొలుపుల అమరేందర్, పైళ్ల రాజవర్ధన్ రెడ్డి, వనమల కృష్ణ, తుమ్మల వెంక రెడ్డి, బూరుగు నవీన్ గౌడ్, మట్ట ధనంజయ గౌడ్, రమేష్, మొగోల్ల శ్రీనివాస్, కొమురెల్లి సంజీవరెడ్డి, పడమటి మమత, మంజుల, పలుసం రాజు, ఎండి అప్రోచ్, ప్రశాంత్, అవినాష్  పాల్గొన్నారు.

బి ఆర్ ఎస్ యువజన విభాగం ఆధ్వర్యంలో టిఆర్ఎస్ రజతోత్సవ సభ విజయవంతం కావాలని వలిగొండ మండలం మత్యగిరి లక్ష్మీనరసింహస్వామి దేవాలయం నుండి యాదగిరిగుట్ట శ్రీ లక్ష్మీ నరసింహ స్వామి దేవాలయం వరకు నిర్వహిస్తున్న పాదయాత్రకు  అడుగు అడుగున ప్రజలు బిఆర్ఎస్ శ్రేణులు స్వాగతం పలుకుతున్నారు. మస్తగిరి దేవాలయం నుండి ప్రారంభమైన పాదయాత్ర ముందు డోల్ వాయిద్యాలు ఆకట్టుకున్నాయి. ఈ సందర్భంగా పాదయాత్ర సభ్యులకు పూలమాలలు వేసి బీఆర్ఎస్ జిందాబాద్ అంటూ నినాదాలు చేశారు. పాదయాత్రకు నిర్వహిస్తున్న యువతతో పాటు బిఆర్ఎస్ శ్రేణులు వారితో నడిచారు.

చిరుధాన్యాలతో స్వచ్ఛమైన ఆహారం లభిస్తుందని ఐసిడిఎస్ సూపర్వైజర్ అంతూల్ అన్నారు. మంగళవారం వెంకట్రావుపేట సెక్టార్ పరిధిలోని మూడో అంగన్వాడి కేంద్రంలో పోషణ పక్షం కార్యక్రమం నిర్వహించారు. ఈ సందర్భంగా సూపర్వైజర్ మాట్లాడుతూ.. గర్భవతు లకు, బాలింతలకు, చిన్న పిల్లలకు చిరుధాన్యాలు మంచి ఆహారంగా ఉప యోగపడతాయన్నారు. ప్రభుత్వం అందిస్తున్న చిరుధాన్యాలు హార పదార్థా లను సద్వినియోగం చేసుకోవాలని సూచించారు. పోషకాహార్ పదార్థా లతో అనేక రకాలైన లాభాలు ఉంటాయని తెలి పారు. అయోడిన్ ఉప్పు వాడుకోవాలని, చెక్కరి తక్కువ వాడుకొని బెల్లం ఎక్కువగా తీసుకోవాలని సూచించారు. ఈ కార్యక్రమంలో పంచాయతీ కార్యదర్శి రవీందర్, అంగన్వాడి టీచర్లు పి. వీణా, జే. స్వప్న, ఎస్. జ్యోతి, ఆయాలు వి. భాగ్యలక్ష్మి, వి. వాణిశ్రీ, కవిత, ఆశా కార్యకర్తలు భాగ్యలక్ష్మి, యాదమ్మ, వినోద, పిల్లల తల్లిదండ్రులు, గర్భవతు లు, బాలింతలు తదితరులు పాల్గొన్నారు.

జాతీయస్థాయిలో 24 మార్చ్ నుండి 28 మార్చ్ 2025 వరకు జాతియ స్థాయిలో చత్తీస్ గడ్ రాష్ట్రంలో నిర్వహించినటువంటి ఉష్ క్రీడోత్సవాలలో నిర్వహించడం జరిగింది. ఈ ఉష్ క్రీడల యందు తెలంగాణ రాష్ట్రం నుంచి ప్రాతినిధ్యం వహించిన నిజామాబాద్ జిల్లా కు చెందినటువంటి ఎండి. తజ్ ముల్ హైమద్ ఏ. ఆర్. ఎస్. ఐ  కుమారుడు ఎం.డి యాసిర్ అహ్మద్ పాల్గొన్నారు. ఈ క్రీడలలో యాసిర్ అహ్మద్ కి బ్రాంజ్ మెడల్ , ప్రశంసా పత్రం లభ్యం అయింది. ఈ బ్రాంజ్ మెడల్, ప్రశంసా పత్రం మంగళవారం నిజామాబాద్ పోలీస్ కార్యాలయంలో పోలీస్ కమిషనర్ పి. సాయి చైతన్య, చేతుల ద్వారా ప్రధానం చేశారు.ఈ సందర్భంగా పోలీస్ కమిషనర్ సాయి చైతన్య మాట్లాడుతూ.. జాతీయస్థాయిలో తెలంగాణ రాష్ట్రం పేరు నిలబెట్టడం ఎంతో సంతోషకరమైందని ఇదేవిధంగా భవిష్యత్తులో ఇంటర్నేషనల్ స్థాయిలో కూడా భారత దేశం నుండి ప్రాతినిధ్యం వంచి ఎన్నో మెడల్స్ సాధించి తీసుకురావాలని ఆకాంక్షించారు. ప్రతి ఒక్క సిబ్బంది ఇదే స్ఫూర్తితో తమ పిల్లలను క్రీడలలో ప్రోత్సహించాలని తెలియజేశారు. ఈ కార్యక్రమంలో జిల్లా ఒలంపిక్ సంఘం కార్యదర్శి బొబ్బిలి నర్సయ్య, ధనుంజయ్ తదితరులు పాల్గొన్నారు.

మండల కేంద్రంలో ఈ నెల 27 న వరంగల్ లో జరగబోయే బిఆర్ఎస్ పార్టీ రజతోత్సవ భారీ బహిరంగ సభ విజయవంతం చేయాలని కోరుతూ పలుచోట్ల గోడలపై రాస్తున్న వాల్ రైటింగ్ వద్ద కాసేపు ఆగి మాజీ మంత్రి, ఎమ్మెల్యే వేముల ప్రశాంత్ రెడ్డి పరిశీలించారు. గోడలపై రంగురంగుల కలర్లతో వాల్ రైటింగ్ ను చూసి పెయింటర్ ను అభినందించారు. పెయింటర్ చేతుల నుండి బ్రష్ తీసుకొని కొద్దిసేపు ఎమ్మెల్యే ప్రశాంత్ రెడ్డి స్వయంగా వాల్ రైటింగ్ రాశారు. వాల్ రేటింగ్ వద్ద నిలబడి ఫోటోలు దిగారు. ఈ సందర్భంగా ఆయన మాట్లాడుతూ వరంగల్ సభకు నియోజకవర్గం నుండి వేలాదిగా తరలివెళ్తామన్నారు. సభకు స్వచ్ఛదంగా తరలి రావడానికి ప్రజలు సిద్ధంగా ఉన్నారని ఎమ్మెల్యే అన్నారు.ఉద్యమ పథాన ఉరిమిన చరిత..స్వరాష్ట్ర ప్రగతిలో చెరపలేని ఘనత బిఆర్ఎస్ పార్టీది అన్నారు. రాబోవు తరానికి బీఆర్ఎస్సే భవిత అని 25 ఏండ్ల పండగకు మనమంతా కదలాలని పిలుపునిచ్చారు.స్వరాష్ట్ర ఆకాంక్షను నిజం చేసి సంక్షేమ పాలనను అందించిన మన ఇంటి పార్టీకి ఏప్రిల్ 27న రజతోత్సవం అని, బహిరంగ సభను  విజయవంతం చేయాల్సిన బాధ్యత ప్రతి ఒక్క బిఆర్ఎస్ పార్టీ శ్రేణులపై ఉందన్నారు.

మండల కేంద్రానికి చెందిన చింతకుంట రవి అగ్నివీర్ గా ఎంపికైనందుకు హర్షం వ్యక్తం చేస్తూ కాంగ్రెస్ పార్టీ తరపున ఘనంగా సన్మానించారు. ఈ మేరకు మంగళవారం  మండల కేంద్రంలోని కాంగ్రెస్ పార్టీ మండల కార్యాలయం వద్ద కాంగ్రెస్ పార్టీ మండల అధ్యక్షులు సుంకేట రవి ఆధ్వర్యంలో అగ్నివీర్ గా ఎంపికైన చింతకుంట రవిని ఘనంగా సత్కరించారు. ఈ సందర్భంగా రవిని శాలువాతో సత్కరించి, శుభాకాంక్షలు తెలియజేశారు. గ్రామానికి చెందిన వ్యక్తి అగ్నివీర్ గా  ఎంపిక ఇవ్వడం గ్రామస్తులందరికీ గర్వ కారణమని ఈ సందర్భంగా కాంగ్రెస్ నాయకులు పేర్కొన్నారు. కార్యక్రమంలో కమ్మర్ పల్లి వ్యవసాయ మార్కెట్ కమిటీ వైస్ చైర్మన్ సుంకేట బుచ్చన్న, నాయకులు నూకల బుచ్చి మల్లయ్య, నిమ్మ రాజేంద్రప్రసాద్, పాలెపు చిన్న గంగారం, సింగిరెడ్డి శేఖర్, పూజారి శేఖర్, సుంకేట శ్రీనివాస్, వేములవాడ జగదీష్, కార్యకర్తలు, తదితరులు పాల్గొన్నారు.

– సీపీఐ(ఎం) డిమాండ్