అగ్నిమాపక శాఖ ఆధ్వర్యంలో నిర్వహిస్తున్న వారోత్సవాల సందర్భంగా గురువారం విద్యార్థులకు “అగ్నిప్రమాదాలు – నివారణ” అనే అంశం పై వ్యాసరచన పోటీలు నిర్వహించారు. స్థానిక జవహర్ విద్యాలయంలో విద్యార్థులు అగ్ని ప్రమాదాలు నివారణ చర్యలు,ప్రమాదాలు జరగకుండా ఉండేందుకు తీసుకోవాల్సిన చర్యలు అనే అంశాలపై విద్యార్థులకు పోటీలు నిర్వహించారు.వ్యాసరచన లో పలు తరగతులకు చెందిన విద్యార్థులు పాల్గొన్నారు. పోటీలను అగ్నిమాపక శాఖ అధికారి సైదులు, ప్రిన్సిపాల్ మైథిలీ, ప్రవీణ్, ఫైర్ సిబ్బంది పాల్గొన్నారు.

నియోజక వర్గం కేంద్రం అయిన అశ్వారావుపేట మండలంలో బుధవారం మాజీ ఎమ్మెల్యే మెచ్చా నాగేశ్వరరావు పర్యటించారు. దురద పాడు పంచాయతీ పాల గుంపు లో ఇటీవలే అగ్ని ప్రమాదానికి గురై 3 ఇల్లు పూర్తిగా కాలి పోయిన బాధిత కుటుంబాలను పరామర్శించారు.

బాధిత కుటుంబసభ్యులకు  బియ్యం,వంట సామగ్రి,నిత్యవసర సరుకులు,దుప్పట్లు, స్థానిక క్రైస్తవ పాస్టర్లు కుటుంబానికి 2 ఇనుప మంచాలు ఏర్పాటు చేయగా వాటిని కూడా మెచ్చా  చేతుల మీదుగా అందజేశారు.నష్ట పరిహారం తొందరగా అందేవిధంగా అధికారులతో మాట్లాడుతానని వారికి బరోసా కల్పించారు. సున్నంబట్టి లో సమ్మక్క సారలమ్మ లను దర్శించుకొని ప్రత్యేక పూజలు నిర్వహించారు.ఈ సందర్భంగా ఆలయ నిర్వాహకులు మెచ్చా ని శాలువాతో సత్కరించి తీర్థ ప్రసాదాలు అందజేశారు. పాకలగూడెం లో నల్లాని వెంకటేశ్వరరావు అనే రైతు తన 4 ఎకరాల్లో మునగ పంట వేయగా ఇటీవలే కురిసిన భారీ వర్షానికి పంట నష్టం పోయిన మునగ సాగును మెచ్చా గారు పరిశీలించారు. వెంటనే ప్రభుత్వం మునగ రైతులను ఆదుకోవాలని డిమాండ్ చేశారు.ఈ కార్యక్రమంలో బీఆర్ఎస్ మండల ప్రధాన కార్యదర్శి వెంకన్న బాబు,మాజీ ఎంపీపీ జల్లిపల్లి శ్రీరామ మూర్తి, ఛాంబర్ ఆఫ్ కామర్స్ అధ్యక్షులు సంక ప్రసాద్,మోహన్ రెడ్డి,తాడేపల్లి రవి,బిర్రం వెంకటేశ్వరరావు,మాజీ ఎంపీటీసీ రాజు,వైస్ ప్రెసిడెంట్ రాజులు, కుర్రం కన్నయ్య,కాకా మధు,గాడ్రాల తాటి రాజులు,గంగు లు,యుగంధర్,చిన్న సత్యనారాయణ,నరేష్, మిండ శ్రీను,ప్రసాద్,చంద్రం,కాక చంద్రం,తదితరులు పాల్గొన్నారు.

ఈ నెల 19 న నిర్వహించే ఇందిరా బడిబాట ను విజయవంతం చేయాలని,ఈ కార్యక్రమానికి ఏర్పాట్లు ముమ్మరం చేయాలని ఎంఈఓ పొన్నగంటి ప్రసాదరావు సూచించారు. బుధవారం స్థానిక జిల్లా ప్రజా పరిషత్ బాలురు ఉన్నత పాఠశాలలో తన అద్యక్షతన నిర్వహించిన ప్రధానోపాధ్యాయుల వార్షిక సమీక్ష సమావేశం లో వారికి ఆయన పలు సూచనలు చేసారు. 2025 – 2026 విద్యా సంవత్సరంలో జూన్ 12 నాటికి విద్యార్థులకు యూనిఫాం అందజేయడం కోసం స్వయం సహాయక సంఘాల చేత యూనిఫామ్ లు సిద్దం చేసేలా చర్యలు తీసుకోవాలని అన్నారు. వచ్చే విద్యా సంవత్సరానికి పాఠశాలల్లో నూతన విద్యార్ధుల చేరికలు( అడ్మిషన్ల) పెంపు కోసం ఇప్పటి నుండే తల్లిదండ్రులలో అవగాహన కల్పించి,ప్రైవేట్ పాఠశాల కంటే ప్రభుత్వ పాఠశాలలో కల్పించే వివిధ సౌకర్యాల గురించి విస్త్రుత మౌఖిక ప్రచారం చేయాలని తెలిపారు. వచ్చే వేసవిలో కలెక్టర్ జితేష్ వి.పాటిల్ ప్రత్యేక చొరవతో మూడు,నాలుగు,ఐదు తరగతుల విద్యార్థులకు పంపిణీ చేయనున్న రాత( నోట్ )పుస్తకాలను విద్యార్ధులకు అందించి వారికి తగు శిక్షణ కోసం( వ్రాయించడం )కోసం ప్రణాళిక రూపొందించాలని తెలిపారు. వార్షిక పరీక్షలు అనంతరం ఈనెల 20 వ తేదీ లోపు పరీక్ష పేపర్లు దిద్ది విద్యార్థుల మార్కులను ఆన్లైన్లో నమోదు చేయాలని అన్నారు. ఈనెల 23 వ తేదీన మెగా పేరెంట్స్ మీటింగ్ నిర్వహించి తల్లిదండ్రులకు ప్రగతి పత్రములు అందజేయాలని కోరారు. ఈ సమావేశంలో కాంప్లెక్స్ హెచ్.ఎం లు హరిత, కొండలరావు, వీరేశ్వరరావు, పద్మావతి, సీఆర్పీ ప్రభాకర్ రావు, రామారావులు పాల్గొన్నారు.

నాణ్యమైన వంగడాలను ఎంచుకుని సాగు చేయడంతోనే అధిక దిగుబడులు రాబట్టవచ్చని వ్యవసాయ నిపుణులు రైతులకు సూచించారు. వ్యవసాయ శాఖ ఆద్వర్యంలో వారం వారం నిర్వహించే రైతు నేస్తం వీడియో కాన్ఫరెన్స్ ను సోమవారం స్థానిక రైతు వేదికలో అధికారులు తో పాటు పీఏసీఎస్ అద్యక్షులు, మాజీ అద్యక్షులు, రైతులు వీక్షించారు. ఇందులో తెలంగాణ ప్రభుత్వం అమలు చేయనున్న భూ భారతి పధకాన్ని సీఎం రేవంత్ రెడ్డి వర్చువల్ గా ప్రారంభించిన కార్యక్రమాన్ని ప్రసారం చేసారు. అనంతం వ్యవసాయ నిపుణులు రైతులకు పలు సూచనలు చేసారు.పంట అవశేషాలను కాల్చకుండా నేలలో కలిసేలా దుక్కి చేయడం భూసారం పెరుగుతుందని అన్నారు. ఈ కార్యక్రమంలో ఏవో శివరాం ప్రసాద్, ఏఈఓ లు షాకీరా భాను, నాగేశ్వరరావు, రవీంద్ర, శ్రీనివాస్, రైతులు మొగళ్ళపు చెన్నకేశవ రావు లు పాల్గొన్నారు.