నవతెలంగాణ హైదరాబాద్: అనేక కేసుల్లో నిందితురాలిగా ఉన్న ధూల్పేట గంజాయి లేడీ డాన్ అంగూర్బాయిను ఎట్టకేలకు పోలీసులు అరెస్ట్ చేశారు. గంజాయి అమ్మకాలతో రూ.కోట్లకు పడగలెత్తిన అంగూర్బాయిపై ధూల్పేట ఎక్సైజ్ పోలీస్ స్టేషన్లో 3 కేసులు, మంగళ్హట్ పోలీస్ స్టేషన్లో 4 కేసులు, ఆసిఫ్నగర్, గౌరారం స్టేషన్లలో 10 కేసులు ఉన్నాయి. ఈ కేసుల్లో అరెస్టు చేయడానికి పోలీసులు ఎన్ని సార్లు నిఘా పెట్టినా ఆమె తప్పించుకుంది. ఎట్టకేలకు కార్వాన్ ప్రాంతంలో గురువారం అంగూర్బాయిని ఎస్టీఎఫ్, ఎక్సైజ్ పోలీసులు అరెస్టు చేశారు. నిందితురాలిని పట్టుకున్న పోలీసు సిబ్బందిని ఎక్సైజ్ ఎన్ఫోర్స్మెంట్ డైరెక్టర్ వి.బి. కమలాసన్రెడ్డి అభినందించారు.
